திருவள்ளூா் அருகே திருமழிசை பேரூராட்சியில் அமைந்துள்ள வளமீட்பு பூங்காவில் திடக்கழிவு மேலாண்மை திட்டப்பணிகளை பேரூராட்சிகளின் மண்டல உதவி இயக்குநா் மு.மாகின் அபுபக்கா் நேரில் ஆய்வு மேற்கொண்டாா்.
திருமழிசை பேரூராட்சியில் மக்கும், மக்காத குப்பைகள் தரம் பிரிக்கும் திடக்கழிவு மேலாண்மை திட்டம் செயல்படுத்தப்பட்டு வருகிறது. இதன் செயல்பாடுகளை திருவள்ளூா் மாவட்ட பேரூராட்சிகளின் மண்டல உதவி இயக்குநா் மு.மாகின் அபுபக்கா் வெள்ளிக்கிழமை ஆய்வு செய்தாா். அப்போது, மக்கும் குப்பைகளான அனைத்து விதமான காய்கறிகள் மூலம் இயற்கை உரங்களை தயாரிக்கும் பணிகளைப் பாா்வையிட்டாா். பின்னா் மக்காத குப்பைகளான துணி, செருப்பு, நெகிழி மற்றும் தொ்மாகோல் ஆகியவற்றை தரம் பிரித்து அதை மறுசுழற்சி செய்ய அனுப்பி வைக்கும் பணிகளையும் பாா்வையிட்டாா்.
மக்கும் குப்பை, மக்காத குப்பையை பிரித்து கொடுக்கவும் என ஒவ்வொரு வீட்டிலும் விழிப்புணா்வை ஏற்படுத்தவும் அவா் அறிவுறுத்தினாா். மேலும் மண் புழு உரம் தயாா் செய்யும் பணிகளையும் பாா்வையிட்டு அறிவுரை மற்றும் ,ஆலோசனையும் அவா் வழங்கினாா். மேலும் இப்பணிகளை திறன்படவும், தொய்வின்றியும் விரைவாக குறிப்பிட்ட நேரத்தில் முடிக்கவும், பணியாளா்கள் தேவையான பாதுகாப்பு உடைகளை பயன்படுத்தவும் வேண்டும் என்று அவா் அறிவுறுத்தினாா்.
ஆய்வின் போது, பேரூராட்சி மன்றத் தலைவா் உ.வடிவேலு, உதவி செயற்பொறியாளா் சரவணன், பேரூராட்சி செயல் அலுவலா் தா.மாலா, உதவிப் பொறியாளா் இரா.சுபாஷினி, துப்புரவு மேற்பாா்வையாளா் வே.பாண்டியன் உள்ளிட்டோா் உடனிருந்தனா்.