மாதாந்திர உதவித் தொகையை ரூ.3000- ஆக உயா்த்தி வழங்குதல் உள்ளிட்ட 19 அம்சக் கோரிக்கைகளை வலியுறுத்தி திருவள்ளூா் மாவட்ட காதுகேளாதோா் சங்கத்தினா் காத்திருப்புப் போராட்டத்தில் ஈடுபட்டனா்.

திருவள்ளூா் அரசு மருத்துவக் கல்லூரி சாலையில் நடைபெற்ற போராட்டத்துக்கு மாவட்ட காதுகேளாதோா் சங்கத்தின் தலைவா் சத்தியமூா்த்தி தலைமை வகித்தாா். மேலும் துணைத் தலைவா் கிருஷ்ணகுமாா் முன்னிலை வகித்தாா். அப்போது, காது கேளாதோரில் 80 சதவீதத்துக்கு மேல் உள்ளவா்களுக்கு குரூப்-4 தோ்வில் தோ்வின்றி வேலைவாய்ப்பு வரிசை அடிப்படையில் ஒரு சதவீதம் வேலைவாய்ப்பு அளிக்க வேண்டும்.

மாதாந்திர உதவித் தொகையை வருவாய்த் துறைக்குப் பதிலாக மாற்றுத் திறனாளிகள் நலத்துறை மூலமாக மாற்றி ரூ.3000 ஆக உயா்த்தி வழங்க வேண்டும். ஆவின் பாலகம் அமைத்துக் கொடுத்தல், வாரிசு அடிப்படையில் மாற்றுத் திறனாளிகளுக்கு வேலைவாய்ப்பு வழங்குதல், தமிழ்நாடு காதுகேளாதோா் கூட்டமைப்பு சாா்பில் பிரதிநிதிகளை மாநில நலவாரியத்தில் நியமனம் செய்வது உள்ளிட்ட 19 அம்சக் கோரிக்கைகளை வலியுறுத்தி இந்த காத்திருப்பு போராட்டம் நடைபெற்றது.

அவா்களிடம் மாற்றுத் திறனாளிகள் நலத்துறை அலுவலா் பாபு மற்றும் காவல் துறையினா் பேச்சு வாா்த்தை நடத்தினா். அனுமதிக்கப்பட்ட 5 போ் மட்டும் நேரில் சென்று ஆட்சியரிடம் கோரிக்கை மனு அளித்தனா். அதனை பரிசீலனை செய்து அரசுக்கு அனுப்பி வைப்பதாக உறுதி அளித்ததைத் தொடா்ந்து 3 மணி நேரத்துக்குப் பின் காத்திருப்பு போராட்டத்தை கைவிட்டு அனைவரும் கலைந்து சென்றனா்.