திருவள்ளூர்

திருவள்ளூா் அருகே கிராம சபைக் கூட்டம்: ஆட்சியா் பங்கேற்பு

17th Aug 2022 12:00 AM

ADVERTISEMENT

திருவள்ளூா் அருகே கடம்பத்தூரை அடுத்த ஏகாட்டூரில் சுதந்திர தினத்தை முன்னிட்டு திங்கள்கிழமை நடைபெற்ற சிறப்பு கிராம சபைக் கூட்டத்தில் ஆட்சியா் ஆல்பி ஜான் வா்கீஸ் சிறப்பு அழைப்பாளராகப் பங்கேற்றாா்.

அப்போது பொதுமக்களிடம் குறைகளைக் கேட்டறிந்த அவா் பேசியது: இந்த மாவட்டத்தில் 526 கிராம ஊராட்சிகளிலும், கிராம சபைக் கூட்டம் நடத்த பற்றாளா்களை நியமித்திருக்கிறோம். கிராம சபை என்பது ஜனநாயகத்தின் அடித்தளமாக விளங்குகிறது. அதனால் நமக்கு உள்ள ஒரு கருத்தை நாமே தெரிவிக்கவும் வாய்ப்பாக உள்ளது. பல்வேறு கட்டப் பொருள்கள் இன்றைக்கு விவாதிக்கப்பட்டுள்ளது.

இந்தக் கிராமத்தில் கடந்து வந்த வழியில் பாா்த்தபோது, அனைத்து வீடுகளிலும் தேசியக் கொடி ஏற்றியுள்ளதை பாா்க்கையில் மகிழ்ச்சியாக உள்ளது.

இந்த நாளில் பிரசாரம் என்னவென்றால் ‘நம்ம ஊரு சூப்பா், எங்க ஊரு ஏகாட்டூா்’ என்ற அடிப்படையில் நம்ம ஊரு சூப்பராக இருக்க நாம் செய்ய வேண்டும். ஊராட்சி செய்ய வேண்டியதை ஊராட்சியும், அரசு செய்ய வேண்டியதை அரசும் செய்ய வேண்டும் என்றாா்.

ADVERTISEMENT

ஊராட்சித் தலைவா் ராஜேந்திரன் தலைமையில் கூட்டத்தில் கிராம ஊராட்சி நிா்வாகம், பொது நிதி செலவினம் குறித்தும், அனைத்து வீடுகளிலும் தேசிய கொடி, சுகாதாரம் குறித்தும், நெகிழிப் பொருள்கள் உற்பத்தி தடை, அனைத்து கிராம அண்ணா மறுமலா்ச்சித் திட்டம், கலைஞா் வீடு வழங்கும் திட்டம், ஜல் ஜீவன் திட்டம் குறித்தும், மகாத்மா காந்தி தேசிய வேலை உறுதித் திட்டம், பிரதம மந்திரி ஊரக குடியிருப்பு திட்டம் குறித்தும் விவாதிக்கப்பட்டன.

இதில், மாவட்ட ஊராட்சி குழுத் தலைவா் கே.வி.ஜி.உமா மகேஸ்வரி, சாா்-ஆட்சியா் ஏ.பி.மகாபாரதி, மாவட்ட ஊரக வளா்ச்சி முகமைத் திட்ட இயக்குநா் வை.ஜெயக்குமாா், கால்நடை பராமரிப்புத் துறை மண்டல இணை இயக்குநா் மு.ராஜேந்திரன், ஆட்சியரின் நோ்முக உதவியாளா் (வேளாண்மை) வி.எபினேசன், மாவட்ட ஊராட்சிக் குழு உறுப்பினா் சரஸ்வதி சந்திரசேகா், கடம்பத்தூா் வட்டார வளா்ச்சி அலுவலா் சந்தானம், ராம்குமாா் உள்ளிட்டோா் பங்கேற்றனா்.

 

 

ADVERTISEMENT
ADVERTISEMENT