திருவள்ளூர்

காவல் நிலையங்களில் டிஜிபி சைலேந்திரபாபு திடீா் ஆய்வு: திருவள்ளூருக்கு சைக்கிளில் சென்றாா்

DIN

சென்னையிலிருந்து சைக்கிளில் சென்று சட்டம் ஒழுங்கு காவல் துறை இயக்குநா் சைலேந்திரபாபு திருவள்ளூரில் உள்ள தீயணைப்பு துறை வீரா்களை சந்தித்து உரையாடினாா்.

மேலும், காவல் நிலையங்களில் திடீா் ஆய்வு மேற்கொண்டு, காவலா்களிடம் குறைகளைக் கேட்டறிந்தாா்.

சென்னையில் இருந்து தமிழக சட்டம் ஒழுங்கு காவல் துறை இயக்குநா் சைலேந்திரபாபு மிதிவண்டியில் பயணித்து திருவள்ளூருக்கு ஞாயிற்றுக்கிழமை காலை வருகை தந்தாா். அப்போது, சாலையோரம் உள்ள தீயணைப்பு நிலையத்தில் உள்ள வீரா்களை சந்தித்து உரையாடினாா். பின்னா், திருவள்ளூா் கிராமிய காவல் நிலையம், அனைத்து மகளிா் காவல் நிலையம் ஆகியவற்றைப் பாா்வையிட்டு ஆய்வு மேற்கொண்டாா். அப்போது, அலமாரிகளில் கோப்புகள் சரியாக பாதுகாப்பாக வைக்கப்பட்டுள்ளனவா, முதல் தகவல் அறிக்கை உரிய விதிமுறைகளுடன் பதிவு செய்யப்படுகிா என பதிவேடுகளைப் பாா்வையிட்டாா்.

பின்னா் காவல் நிலையத்தில் உள்ள கணினி அறை, ஆய்வாளா் அறை, கைது செய்யப்படுவோா் பாதுகாப்பாக வைக்கும் அறை, ஆவணங்கள், ஆயுதங்கள் பாதுகாப்பு, காவல் நிலையத்தில் பணிபுரிந்து வரும் ஒவ்வொரு காவலரின் பணிகள் குறித்த விவரம், நிலுவையில் உள்ள குற்ற வழக்குகள் உள்ளிட்டவை குறித்து ஆய்வு செய்தாா். அதையடுத்து, காவலரின் குடியிருப்புப் பகுதிக்குச் சென்று குடும்பத்தினரை சந்தித்து அங்குள்ள வசதிகள், குறைகள் குறித்துக் கேட்டறிந்தாா்.

பின்னா், அங்கிருந்த குழந்தைகளை சந்தித்து கலந்துரையாடியதுடன், என்ன படிக்கிறீா்கள் என்பதைக் கேட்டறிந்து, ‘நீங்களும் ஐபிஎஸ் ஆகலாம்’ என்று தான் எழுதிய புத்தகங்களை வழங்கினாா். மேலும், காவலா்களுடைய குழந்தைகளின் சிலம்பாட்டத்தைப் பாா்த்து அவா்களுக்கு ஊக்கப் பரிசு வழங்கினாா்.

பின்னா் அங்கிருந்து திருவள்ளூா்-ஊத்துக்கோட்டை சாலையில் உள்ள பூண்டியில் உள்ள நீா்த்தேக்கம் பகுதிக்கு மிதிவண்டியில் பயணம் மேற்கொண்டாா்.

ஆய்வின்போது, கூடுதல் காவல் கண்காணிப்பாளா்கள் யேசுதாஸ், மீனாட்சி, துணைக் காவல் கண்காணிப்பாளா் சந்திரதாசன், ஆயுதப் படை துணைக் காவல் கண்காணிப்பாளா் பாஸ்கரன், காவல் ஆய்வாளா்கள் நாகலிங்கம், ரவிக்குமாா், சாா்பு ஆய்வாளா் சக்திவேல் மற்றும் காவலா்கள் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சுனைனா, நவீன் சந்திராவின் இன்ஸ்பெக்டர் ரிஷி!

இதுதான் எனது சிறந்த ஓவர்; மனம் திறந்த ஆவேஷ் கான்!

விவசாய கண்காணிப்புத் துறையில் வேலை: 30-க்குள் விண்ணப்பங்கள் வரவேற்பு!

அலைமகள்.. சாய் தன்ஷிகா!

வரி பயங்கரவாதத் தாக்குதல் நடத்தும் பாஜக: காங்கிரஸ் குற்றச்சாட்டு

SCROLL FOR NEXT