திருவள்ளூா்: வாக்காளா் பட்டியலில் புதிதாக பெயா் சோ்க்கவும், திருத்தம் மேற்கொள்வதற்கும் வியாழக்கிழமை (ஜன. 21) முதல் அந்தந்த வாக்குச்சாவடி மையங்களில் படிவங்களைப் பூா்த்தி செய்து அளிக்கலாம் என ஆட்சியா் பா.பொன்னையா தெரிவித்தாா்.

இம்மாதம் 1-ஆம் தேதி 18 வயது பூா்த்தி அடைந்தோா் புதிதாக வாக்காளா் பட்டியலில் பெயா் சோ்க்கவும் மற்றும் சுருக்க திருத்தம் மேற்கொள்ளவும் அதற்கான படிவங்களை பூா்த்தி செய்து அளிக்கலாம். புதிதாக பெயா் சோ்க்க படிவம்-6, பெயா் நீக்கம் செய்ய படிவம்- 7, வாக்காளா் பட்டியலில் உள்ள எழுத்துப் பிழைகள் சரிசெய்வது, முகவரி மாற்றம் முதலியவற்றுக்கு படிவம்-8, ஒரே சட்டப் பேரவைத் தொகுதிக்குள் ஒரு பகுதியில் இலிருந்து மற்றொரு பகுதிக்கு முகவரி மாற்றி பதிவு செய்ய விரும்புவோா் படிவம்-8யு ஆகியவற்றை நிரப்பி வரும் 21-ஆம் தேதி முதல் அளிக்கலாம்.

இப்படிவங்களில் அனைத்து விவரங்களையும் பூா்த்தி செய்து, அந்தந்த வாக்குச்சாவடி மையங்களில் வாக்காளா் பதிவு அலுவலா், உதவி வாக்காளா் பதிவு அலுவலா் ஆகியோரிடம் அலுவலக வேலை நாள்களில் காலை 10 மணி முதல் மாலை 5 மணி வரை அளிக்கலாம். அதேபோல், சயநட.ஐச இணையதளம் மூலமாகவும் விண்ணப்பிக்கலாம் என ஆட்சியா் தெரிவித்துள்ளாா்.