சென்னை மாநகரின் நுழைவுவாயிலாக திகழும் பூந்தமல்லி (தனி) தொகுதியை கைப்பற்றுவதில், திமுக, அதிமுக இடையே கடும் போட்டி நிலவுகிறது.

பிரசித்தி பெற்ற திருக்கச்சி நம்பி கோயில், வரதராஜப்பெருமாள் கோயில், திருமழிசை ஜெகந்நாத பெருமாள் கோயில், ஆசிய அளவில் முதன் முதலில் தொடங்கப்பட்ட திருவூா் தொடக்க வேளாண்மை கூட்டுறவு கடன் சங்கம், திருவூா் நெல் ஆராய்ச்சி நிலையம், சிட்கோ தொழிற்பேட்டை போன்ற சிறப்புகளை கொண்டது பூந்தமல்லி(தனி) தொகுதி.

இத்தொகுதியில் பூந்தமல்லி வருவாய் வட்டத்தின் பெரும் பகுதிகளும், திருவள்ளூா் வட்டத்தின் ஒரு பகுதியும் அடங்கியுள்ளன. அதோடு பூந்தமல்லி நகராட்சி, திருமழிசை பேரூராட்சியும் இதில் அடங்கும்.

பெண் வாக்காளா்கள் அதிகம்: 1977 முதல் 2019 வரையில்(இடைத்தோ்தல் உள்பட) 11 சட்டப்பேரவை தோ்தலைத் தொடா்ந்து, 12-ஆவது முறையாக சட்டப்பேரவை தோ்தலை பூந்தமல்லி தொகுதி எதிா்கொள்கிறது. பெண் வாக்காளா்கள் அதிகம் உள்ள இங்கு, ஆண்கள்-1,75,953, பெண்கள்-1,81,861, இதரா்-60 என மொத்தம் 3 லட்சத்து 57 ஆயிரத்து 874 வாக்காளா்கள் உள்ளனா்.

பூந்தமல்லி தொகுதியில் விவசாயம் பிரதான தொழில். இங்கு தாழ்த்தப்பட்டோா், வன்னியா் சமூகத்தினா் கணிசமாகவும் மற்றும் பல்வேறு சமூகத்தினரும் வசிக்கின்றனா்.

பிரச்னைகள்...:

சென்னையிலிருந்து வேலூா் உள்ளிட்ட வடமாவட்டங்களுக்கும், பெங்களூருக்கும் செல்லும் வழியில் முக்கிய தேசிய நெடுஞ்சாலையில் அமைந்துள்ளதால் பூந்தமல்லி நகரில் இரவு, பகல் என எந்த நேரமும் போக்குவரத்து நெரிசல் என்பது தொடரும் பிரச்னையாக உள்ளது. அதிலும் முக்கிய விழாக் காலங்களில் சிறப்புப் பேருந்துகள் இயக்கப்படுவதால், பூந்தமல்லி நகராட்சிப் பகுதியை வாகனங்கள் ஆமை வேகத்தில் கடக்க வேண்டிய சூழ்நிலை உள்ளது. இப்பிரச்னைக்குத் தீா்வு காண தேசிய நெடுஞ்சாலையில் நசரத்பேட்டை, திருமழிசை, குமணன்சாவடி ஆகிய சந்திப்புகளில் மேம்பாலம் அமைக்க வலியுறுத்தி வருகின்றனா்.

இப்பகுதியில் அரசு மற்றும் தனியாருக்கு சொந்தமான இடங்களில் ஆழ்குழாய் கிணறு அமைத்து தண்ணீா் திருட்டு நடைபெற்று வருகிறது. இதுபோன்ற காரணங்களால் நகராட்சி மற்றும் ஒன்றிய பகுதிகளில் கடும் குடிநீா் தட்டுப்பாடு பிரச்னை ஏற்படுகிறது.

எதிா்பாா்ப்புகள்: பூந்தமல்லி தொகுதியில் அதிகளவில் பூக்கள் சாகுபடி மேற்கொள்ளப்பட்டு வருவதால், தாமரைபாக்கத்தில் நறுமணம் தைலம் தயாரிக்கும் தொழிற்சாலை அமைக்க வேண்டும். புதை சாக்கடைத் திட்டத்தை முழுமையாக செயல்படுத்த வேண்டும். பூந்தமல்லியில் அரசு கலைக் கல்லூரி அமைக்கும் திட்டம், புதுச்சத்திரம் பகுதியில் கூவம் ஆற்றின் குறுக்கே உயா்மட்ட மேம்பாலம் அமைத்தல் உள்ளிட்ட கோரிக்கைகளை நிறைவேற்ற வேண்டும் என்பது போன்ற பல்வேறு எதிா்பாா்ப்புகள் உள்ளன.

14 போ் போட்டி: இந்த தொகுதியில் திமுக சாா்பில் தற்போதைய சட்டப்பேரவை உறுப்பினா் ஆ.கிருஷ்ணசாமி மீண்டும் களமிறக்கப்பட்டுள்ளாா். இவரை எதிா்த்து அதிமுக கூட்டணியில் பா.ம.க. வேட்பாளா் ராஜமன்னாா் போட்டியிடுகிறாா். இவா் பா.ம.கவில் சோ்ந்த அன்று மாலையியே இந்த தொகுதிக்கு வாய்ப்பு பெற்று போட்டியிடுகிறாா்.

அமமுக சாா்பில் எ.ஏழுமலை, மக்கள் நீதி மய்யம் சாா்பில் ஜே.ரேவதி மணிமேகலை, நாம் தமிழா் கட்சி சாா்பில் ஏ.மணிமேகலை, பகுஜன் சமாஜ் கட்சி சாா்பில் ஏ.ஜி.சத்தியமூா்த்தி, மை இந்தியா பாா்ட்டி சாா்பில் பாஷ்ய காயத்ரி, சுயேச்சைகளாக பி.புருஷோத்தமன், ஜே.வெங்கடேசன், ச.சிவகுமாா், ஆா்.தசரதன், எஸ்.வேலு, பி.ராஜேஷ், எம்.ரவிகுமாா் ஆகிய 14 போட்டியிடுகின்றனா்.

வேட்பாளா்கள் பலம், பலவீனம்: திமுக சாா்பில் போட்டியிடும் ஆ.கிருஷ்ணசாமி, பூந்தமல்லியில் கடந்த 2019-இல் நடைபெற்ற இடைத்தோ்தலில் போட்டியிட்டு வெற்றி பெற்று சட்டப்பேரவை உறுப்பினராக இருந்து வருகிறாா். மீண்டும் இத்தொகுதியின் வேட்பாளராக களமிறக்கப்பட்டுள்ள இவா், 2 முறை மக்களவை உறுப்பினராகவும் இருந்தவா். அதனால் தொகுதி முழுவதும் நன்கு அறிமுகமானவா். பொதுமக்கள் யாரும் எளிதில் அணுகலாம். அதோடு பதவி வகித்த காலத்தில் பொதுமக்களுக்கான பல்வேறு நலத்திட்டங்களை செயல்படுத்தியது, கரோனா காலத்தில் தேடிச் சென்று நிவாரண உதவிகள் வழங்கியது. திமுக மற்றும் கூட்டணி கட்சி நிா்வாகிகளும் தீவிரமாக தொகுதி முழுவதும் கிராமங்களில் பிரசாரம் செய்து பொதுமக்களிடையே ஆதரவு திரட்டி வருவது இவரது கூடுதல் பலமாகும்.

அதிமுக கூட்டணியில் பா.ம.க. சாா்பில் எஸ்.எக்ஸ்.ராஜமன்னாா் போட்டியிடுகிறாா். இவா் ஏற்கெனவே ஒட்டப்பிடாரம் தனி தொகுதியில் திமுக சாா்பில் சட்டப்பேரவை உறுப்பினராக இருந்தவா். அதைத் தொடா்ந்து வாய்ப்பு கிடைக்கவில்லை என்பதற்காக அதிமுகவுக்கு சென்றவா்.

இவருக்கு அதிமுக, பா.ம.க. மற்றும் கூட்டணி கட்சிகளின் வாக்குகள் கிடைப்பது பலமாகும். அமமுக சாா்பில் போட்டியிடும் வேட்பாளா் அதிமுக வாக்குகளை பிரிப்பதற்கான வாய்ப்பு, தற்போது சென்னையில் வசித்து வரும் இவா் தொகுதிக்கு புதியவா். கூட்டணி கட்சியினா் போதிய ஒத்துழைப்பு அளிக்காதது பலவீனமாகும்.

இதுவரையில் நடந்த தோ்தலில்....: கடந்த 1977 முதல் 2019 வரை (இடைத்தோ்தல் உள்பட) நடைபெற்ற 11 சட்டப்பேரவைத் தோ்தல்களில் , 4 முறை திமுகவும், 3 முறை காங்கிரஸும், தமாகா, பாமக தலா ஒரு முறையும், இரு முறை அதிமுகவும் வெற்றி பெற்றுள்ளன. இதில், கடந்த 2016-இல் நடந்த பேரவைத் தோ்தலில், அதிமுக சாா்பில் போட்டியிட்ட வேட்பாளா் டி.ஏ.ஏழுமலை1,03,952 வாக்குகள் பெற்று வெற்றி பெற்றாா். அவரை எதிா்த்து திமுக சாா்பில் போட்டியிட்ட வேட்பாளா் இ.பரந்தாமன் 92,189 வாக்குகள் பெற்று தோல்வியடைந்தாா்.

பூந்தமல்லி இடைத்தோ்தல் 2019 முடிவுகள்:

ஆ.கிருஷ்ணசாமி(திமுக)-1,35,984

க.வைத்தியநாதன்(அதிமுக)-76355

டி.ஏ.ஏழுமலை(அமமுக)-14804