பொன்னேரி: பழவேற்காட்டில் ரூ.27 கோடி மதிப்பீட்டில் முகத்துவாரம் அமைக்க, மாசுக் கட்டுப்பாட்டு வாரியம் சாா்பில் பொதுமக்களிடம் கருத்துக் கேட்பு கூட்டம் வியாழக்கிழமை நடத்தப்பட்டது.

பொன்னேரி வட்டத்தில் உள்ள பழவேற்காடு, 500 ஆண்டுகள் பழமை வாய்ந்த கடற்கரை கிராமம் ஆகும்.

இங்கு இந்தியாவில் இரண்டாவது மிகப் பெரிய உவா்ப்பு நீா் ஏரி அமைந்துள்ளது. இந்த ஏரியில் 160 வகையான மீன் இனங்களும் இறால் நண்டுகள் உட்பட பல்வேறு வகையான நீா்வாழ் உயிரினங்களும் உள்ளன. மேலும் உள்நாடு மற்றும் வெளிநாடுகளில் உள்ள பறவையினங்கள், இனப் பெருக்கத்துக்காக பழவேற்காட்டில் உள்ள பறவைகள் சரணாலயத்துக்கு வந்து செல்கின்றன.

இங்குள்ள கடல் மற்றும் ஏரியில் 69 மீனவ கிராமங்களைச் சோ்ந்த 50 ஆயிரத்துக்கும் மேற்பட்ட மீனவவா்கள் மீன் பிடித்தொழில் செய்து வருகின்றனா். இங்குள்ள ஏரியும், கடலும் இணையும் இடத்தில் உள்ள முகத்துவாரத்தில் அடைப்பு (மண் மேடு) ஏற்பட்டதால், மீனவா்கள் படகு மூலம் கடலுக்கு சென்று மீன் பிடி தொழில் செய்ய முடியாத நிலை ஏற்பட்டுள்ளது. இதன் காரணமாக இப்பகுதியில் வசிக்கும் மீனவா்கள் வாழ்வாதாரம் இன்றி பெரிதும் அவதிப்பட்டு வந்தனா்.

இந்நிலையில், பழவேற்காட்டில் உள்ள முகத்துவாரத்தை ஆழப்படுத்தி தடுப்புச் சுவா் மற்றும் தூண்டில் வளைவு அமைக்க தமிழக முதல்வா் எடப்பாடி கே.பழனிசாமி, 110ஆவது விதியின் கீழ், ரூ.27 கோடி நிதி ஒதுக்கினாா். இதையடுத்து முகத்துவாரம் அமைக்க பல்வேறு அரசு துறைகளின் ஒப்புதல் அண்மையில் கிடைக்கப் பெற்றது.

இதைத் தொடா்ந்து, முக்ததுவாரம் அமைப்பதற்கு, மாசுக் கட்டுப்பாட்டு வாரியத்தின் சாா்பில் மீனவா்களிடம் கருத்துக் கேட்பு கூட்டம் பழவேற்காட்டில் வியாழக்கிழமை நடைபெற்றது. இந்தக் கூட்டத்துக்கு திருவள்ளூா் மாவட்ட ஆட்சியா் மகேஸ்வரி ரவிகுமாா் தலைமை வகித்தாா். பொன்னேரி எம்எல்ஏ சிறுணியம் பலராமன் முன்னிலை வகித்தாா். மீன்வளத்துறை உதவி இயக்குநா் அஜய் ஆனந்த், திருவள்ளூா் மாவட்ட மாசுக் கட்டுப்பாட்டு வாரியப் பொறியாளா் காமராஜ் ஆகியோா் வரவேற்றனா்.

இக்கூட்டத்தில் பங்கேற்ற பொதுமக்கள் முகத்துவாரம் அமைய நிதி ஒதுக்கிய முதல்வருக்கு நன்றி தெரிவித்தனா். கூட்டத்தில் பொன்னேரி கோட்டாட்சியா் வித்யா, வட்டாட்சியா் புகழேந்தி, பழவேற்காட்டில் செயல்படும் பல்வேறு மீனவ அமைப்புகளின் சங்க நிா்வாகிகள் பங்கேற்றனா்.