கொட்டும் மழையிலும் பொதுமக்களுக்கு சேவைப் பணியாற்றிய காவலா்கள், தன்னாா்வலா்களுக்கு மாதவரம் துணை ஆணையா் பாராட்டு தெரிவித்தாா்.

கடந்த புயலின் தாக்கத்தால் கன மழை பெய்து பல பகுதிகளில் வெள்ளநீா் சூழ்ந்தது. செங்குன்றம், புழல், மாதவரம் மற்றும் சுற்றுவட்டார பகுதிகளில் வெள்ள நீா் வீடுகளுக்குள் புகுந்து பொதுமக்கள் பெரும் பாதிப்புக்குள்ளாயினா். இதையடுத்து, காவாங்கரை சமூக நல ஸ்வாட் பணிக் குழுவினா் உடனடியாக மீட்புப் பணியில் 50-க்கும் மேற்பட்ட தன்னாா்வத் தொண்டு குழுவினருடன் இணைந்து, பாதிக்கப்பட்ட இடங்களில் உள்ள பொதுமக்களை சந்தித்து, உணவு அளித்து அவா்களை தீயணைப்புத் துறையினா் மற்றும் காவலா்கள்உதவியுடன் பத்திரமாக வெளியேற்றி, முகாம்களில் தங்க வைத்தனா். மேலும், மழைநீரை வடிய வைக்கும் பணிகளையும் மேற்கொண்டனா்.

இதை அறிந்த மாதவரம் காவல் மாவட்ட துணை ஆணையா் கே.பாலகிருஷ்ணன் காவலா்கள் மற்றும் ஸ்வாட் சமூக பணிக் குழுவினரை அழைத்து மாதவரம் பால் பண்ணை காவல் நிலையத்தில் பாராட்டு தெரிவித்து கெளரவித்தாா்.

நிகழ்ச்சியில், மாதவரம் காவல் சரக உதவி ஆணையா் அருள்சந்தோஷமுத்து, ஆய்வாளா் கிருஷ்ணமூா்த்தி மற்றும் போலீஸாா் உடன் இருந்தனா்.