திருத்தணி: ஆா்.கே.பேட்டை அருகே தனியாா் பள்ளியின் பூட்டை உடைத்து ரூ. 25 ஆயிரம், பொருள்களை மா்ம நபா்கள் திருடிச் சென்றனா்.

திருவள்ளூா் மாவட்டம், ஆா்.கே.பேட்டையை அடுத்த வாலாஜா மாநில நெடுஞ்சாலை பத்மாபுரம் பகுதியில் உள்ள தனியாா் பள்ளியில் ஞாயிற்றுக்கிழமை இரவு நுழைந்த மா்ம நபா்கள், பள்ளியின் அலுவலகப் பூட்டை உடைத்து, ரூ. 25 ஆயிரம் ரொக்கம், கணினி உள்ளிட்ட விலை உயா்ந்த பொருள்களைத் திருடியுள்ளனா்.

பள்ளி முதல்வா் எஸ்தா் வழக்கம்போல் திங்கள்கிழமை காலை பள்ளிக்குச் சென்றபோது, பூட்டு உடைக்கப்பட்டு பொருள்கள் திருடுபோனது தெரிய வந்தது. இது குறித்து பள்ளி முதல்வா் எஸ்தா் அளித்த புகாரின்பேரில், ஆா்.கே.பேட்டை போலீஸாா் வழக்குப் பதிந்து மா்ம நபா்களைத் தேடி வருகின்றனா்.