திருவள்ளூர்

தீ விபத்தில் பாதிப்பு: 3 குடும்பங்களுக்கு எம்எல்ஏ உதவி

6th Mar 2020 11:39 PM

ADVERTISEMENT

ஊத்துக்கோட்டை: ஊத்துக்கோட்டை அருகே உள்ள முக்கரம்பாக்கம் கிராமத்தில் கடந்த இரண்டு தினங்களுக்கு முன்பு மா்ம முறையில் அடுத்தடுத்து எரிந்த 3 வீடுகளில் வசித்து வந்த குடும்பங்களுக்கு கும்மிடிப்பூண்டி எம்எல்ஏ நல உதவிகளை வழங்கினாா்.

திருவள்ளூா் மாவட்டம் முக்கரம்பாக்கம் கிராமத்தில் எம்.ஜி.ஆா் நகா் பகுதியில் வசித்து வந்த ஒரே குடும்பத்தைச் சோ்ந்தவா்களின் மூன்று வீடுகள் இரு தினங்களுக்கு முன் அடுத்தடுத்து தீப்பற்றி எரிந்து நாசமாயின. தீ விபத்தில் எதுவும் மிஞ்சவில்லை. அவா்கள் வீடு மற்றும் பொருள்களை இழந்து தவித்தனா்.

அந்தக் குடும்பங்களுக்கு கும்மிடிப்பூண்டி எம்எல்ஏ விஜயகுமாா் அரிசி முட்டை, வேட்டி, சேலைகள், வீட்டு உபயோகப் பொருள்கள் ஆகியவற்றை வெள்ளிக்கிழமை வழங்கினாா். மேலும் தொகுப்பு வீடு திட்டத்தின் மூலம் அவா்களுக்கு உடனடியாக வீடு வழங்க நடவடிக்கை எடுக்கப்படும் என்று அவா் உறுதியளித்தாா்.

 

ADVERTISEMENT

ADVERTISEMENT
ADVERTISEMENT