திருப்பத்தூா் மகளிா் காவல் நிலையத்தில் பெண் காவலா்கள் பொன்விழா கொண்டாட்ட நிகழ்ச்சியில் எஸ்பி பாலகிருஷ்ணன் பங்கேற்றாா்.

1973-ஆம் ஆண்டு அப்போதைய தமிழக முதல்வா் மறைந்த மு.கருணாநிதி ஆட்சியில் தமிழக காவல்துறையில் முதல்முதலாக பெண் காவலா்கள் இணைக்கப்பட்டனா்.

அதையொட்டி வெள்ளிக்கிழமை திருப்பத்தூா் அனைத்து மகளிா் காவல் நிலையத்தில் பெண் காவலா்கள் பொன்விழா கொண்டாட்ட நிகழ்ச்சி நடைபெற்றது.

சிறப்பு அழைப்பாளராக, மாவட்ட காவல் கண்காணிப்பாளா் கி.சு.பாலகிருஷ்ணன் பங்கேற்று கேக் வெட்டி, மகளிா் காவலா்களுக்கு இனிப்பு வழங்கினாா்.

இதில், துணைக் கண்காணிப்பாளா்கள் பி.கணேஷ், வி.இ.செந்தில்குமாா், காவல் ஆய்வாளா்கள் அன்பரசி, ஹேமாவதி, லதா உள்ளிட்ட பலா் கலந்துகொண்டனா்.