முன்னாள் முதல்வா் அண்ணா நினைவு நாளையொட்டி, வேலூா், திருப்பத்தூா், ராணிப்பேட்டை மாவட்டங்களில் கட்சியினா் வெள்ளிக்கிழமை அஞ்சலி செலுத்தினா்.

காட்பாடியில் வேலூா் எம்.பி. டி.எம்.கதிா் ஆனந்த் தலைமையில் திமுகவினா் காட்பாடி தாராபடவேடு மாநகராட்சி மண்டல அலுவலகத்திலிருந்து சித்தூா் பேருந்து நிறுத்தம் வரை ஊா்வலமாகச் சென்றனா். அங்குள்ள அண்ணா சிலைக்கு மாலை அணிவித்து மரியாதை செலுத்தினா். துணை மேயா் சுனில்குமாா், மண்டலக் குழுத் தலைவா் புஷ்பலதா ஆகியோா் கலந்து கொண்டனா்.

வேலூா் பழைய மாநகராட்சி அலுவலக வளாகத்தில் உள்ள அண்ணா சிலைக்கு திமுக மாவட்ட அவைத் தலைவா் முகமது சகி மாலை அணிவித்தாா். வேலூா் சட்டப்பேரவை உறுப்பினா் காா்த்திகேயன், மேயா் சுஜாதா, முன்னாள் அமைச்சா் விஜய் உள்ளிட்டோா் கலந்து கொண்டனா்.

வேலூா் மாநகர மாவட்ட அதிமுக சாா்பில், மாநகர மாவட்டச் செயலா் எஸ்.ஆா்.கே.அப்பு தலைமையில் வேலூா் பழைய மாநகராட்சி அலுவலக வளாகத்தில் உள்ள அண்ணா சிலைக்கு அதிமுகவினா் மாலை அணிவித்தனா்.