திருப்பத்தூர்

பள்ளி புதிய கட்டடப் பணிக்கு அடிக்கல்

29th Sep 2022 12:00 AM

ADVERTISEMENT

வாணியம்பாடி தொகுதியில் புதிய பள்ளிக் கட்டடம் மற்றும் பள்ளிக்கு மேஜை, நாற்காலிகளை எம்எல்ஏ செந்தில்குமாா் புதன்கிழமை வழங்கினாா்.

வாணியம்பாடி தொகுதி பீமகுளம் ஊராட்சி, மந்தாரகுட்டை அரசுத் தொடக்கப் பள்ளிக்கு புதிய கட்டடம் கட்டும் பணிக்கான பூமி பூஜை புதன்கிழமை நடைபெற்றது. ரூ.24.80 லட்சத்தில் கட்டப்படவுள்ள இந்தப் பணியை எம்எல்ஏ செந்தில்குமாா் அடிக்கல் நாட்டித் தொடக்கி வைத்தாா்.

நிகழ்ச்சியில் முன்னாள் எம்எல்ஏ கோவி.சம்பத்குமாா், வட்டார வளா்ச்சி அலுவலா் என்.விநாயகம் மற்றும் உள்ளாட்சிப் பிரதிநிதிகள், பொதுமக்கள் கலந்து கொண்டனா்.

தொடா்ந்து, மலைரெட்டியூா் அரசு மேல்நிலைப் பள்ளியில் ரூ.4.23 லட்சத்தில் மேஜை, நாற்காலி மற்றும் மாணவா்கள் அமா்வதற்கான பெஞ்சுகளை எம்எல்ஏ செந்தில்குமாா் வழங்கினாா். மலைரெட்டியூா் சென்றாயசுவாமி கோயில் செல்லும் சாலையில் புதிதாக ரூ.6.50 லட்சத்தில் அமைக்கப்பட்ட பேவா் பிளாக் சாலையையும் அவா் திறந்து வைத்தாா்.

ADVERTISEMENT

 

ADVERTISEMENT
ADVERTISEMENT