திருப்பத்தூர்

மாதனூா் ஒன்றியத்தில் ஆட்சியா் ஆய்வு

28th Sep 2022 12:00 AM

ADVERTISEMENT

மாதனூா் ஒன்றியத்தில் நடைபெற்று வரும் திட்டப் பணிகளை திருப்பத்தூா் மாவட்ட ஆட்சியா் அமா்குஷ்வாஹா செவ்வாய்க்கிழமை நேரில் ஆய்வு செய்தாா்.

திருப்பத்தூா் மாவட்டம், மாதனூா் ஒன்றியம் மின்னூா் கிராமத்தில் ஊரக வளா்ச்சித் துறையின் சாா்பில் இலங்கை தமிழா்களுக்காக ரூ.3.80 கோடி மதிப்பீட்டில் 76 குடியிருப்புகள் கட்டும் பணி நடைபெற்று வருகிறது.

அதனை ஆட்சியா் அமா் குஷ்வாஹா பாா்வையிட்டு ஆய்வு செய்தாா். அதே போல சின்னபள்ளிக்குப்பம் கிராமத்தில் இலங்கை தமிழா்களுக்கு குடியிருப்புகள் கட்ட உத்தேசிக்கப்பட்ட இடத்தையும் பாா்வையிட்டாா்.

ஆய்வின்போது ஆம்பூா் எம்எல்ஏ அ.செ.வில்வநாதன், மாவட்ட ஊரக வளா்ச்சி முகமை திட்ட இயக்குநா் கு. செல்வராசு, ஊரக வளா்ச்சித் துறை செயற்பொறியாளா் சுந்தரபாண்டியன், மாதனூா் ஒன்றியக் குழு தலைவா் ப.ச. சுரேஷ்குமாா், வட்டாட்சியா் மகாலட்சுமி, வட்டார வளா்ச்சி அலுவலா்கள் அப்துல் கலீல், சந்திரன் ஆகியோா் உடனிருந்தனா்.

ADVERTISEMENT

முன்னதாக மாதனூா் ஒன்றிய அலுவலகத்தில் ஆய்வு மேற்கொண்டு ஒன்றியத்தில் நடைபெற்று வரும் திட்டப்பணிகள் குறித்து வட்டார வளா்ச்சி அலுவலா்களுடன் ஆலோசனை நடத்தினாா்.

 

 

ADVERTISEMENT
ADVERTISEMENT