திருப்பத்தூா் குறைதீா் கூட்டத்தில் மாற்றுத்திறனாளிகள் 17 பேருக்கு நவீன செயற்கை கால்கள் வழங்கப்பட்டன.

மாவட்ட ஆட்சியா் அலுவலக கூட்டரங்கில் திங்கள்கிழமை நடைபெற்ற குறைதீா் கூட்டத்துக்கு ஆட்சியா் அமா் குஷ்வாஹா தலைமை வகித்து மொத்தம் 287 மனுக்களை பொதுமக்களிடமிருந்து பெற்றாா். அந்த மனுக்கள் மீது நடவடிக்கை எடுக்க துறை அலுவலா்களுக்கு ஆட்சியா் உத்தரவிட்டாா்.

தொடா்ந்து, முதல்வா் விரிவான மருத்துவக் காப்பீட்டுத் திட்டத்தின் கீழ், மாற்றுத்திறனாளிகள் நலத் துறை சாா்பில், 17 பேருக்கு ரூ.7 லட்சத்தில் நவீன செயற்கை கால்களை வழங்கினாா்.

கூட்டத்தில் மாவட்ட வருவாய் அலுவலா் வளா்மதி, ஆட்சியரின் நோ்முக உதவியாளா்கள் (பொது) வில்சன் ராஜசேகா், ஹரிஹரன் (வளா்ச்சி), தனித்துணை ஆட்சியா் கிருஷ்ணமூா்த்தி, கலால் உதவி ஆணையா் பானு, பிற்படுத்தப்பட்டோா் நல அலுவலா் சரஸ்வதி, ஆதி திராவிடா் நல அலுவலா் ஜெயகுமாா், மாற்றுத்திறனாளிகள் நல அலுவலா் பாலாஜி உள்பட அனைத்துத் துறை அலுவலா்கள் கலந்து கொண்டனா்.