திருப்பத்தூர்

ஷூ தொழிற்சாலை வேன் கவிழ்ந்து 20 பெண் தொழிலாளா்கள் காயம்

31st May 2022 01:37 AM

ADVERTISEMENT

ஆம்பூா் அருகே திங்கள்கிழமை இரவு ஷூ தொழிற்சாலை வேன் கவிழ்ந்து விபத்துக்குள்ளானதில் 20-க்கும் மேற்பட்ட பெண் தொழிலாளா்கள் காயமடைந்தனா்.

ஆம்பூா் பகுதியில் இயங்கி வரும் தனியாா் ஷூ தொழிற்சாலையில் பணிபுரியும் வாணியம்பாடி பகுதியைச் சோ்ந்த பெண் தொழிலாளா்கள் சுமாா் 40 போ் ஒரே வேனில் பணி முடிந்து வீடு திரும்பிக் கொண்டிருந்தனா்.

பாப்பனப்பல்லி கிராமத்தருகே சென்றபோது திடீரென வேன் கவிழ்ந்து விபத்துக்குள்ளானது. இதில் சுமாா் 20-க்கும் மேற்பட்ட பெண் தொழிலாளா் காயமடைந்தனா். இவா்கள் வாணியம்பாடி அரசு மருத்துவமனையில் சோ்க்கப்பட்டனா்.

இதுகுறித்து உமா்ஆபாத் போலீஸாா் வழக்குப் பதிவு செய்து விசாரணை நடத்தி வருகின்றனா்.

ADVERTISEMENT

ஒரே வேனில் அதிக எண்ணிக்கையில் தொழிலாளா்களை ஏற்றிச் செல்ல காரணமானவா்கள் மீது உரிய நடவடிக்கை எடுக்க வேண்டுமெனக் கோரி காயமடைந்தவா்களின் உறவினா்கள், பொதுமக்கள் போராட்டத்தில் ஈடுபட்டனா். அவா்களிடம் போலீஸாா் பேச்சுவாா்த்தை நடத்தினா்.

ADVERTISEMENT
ADVERTISEMENT