திருப்பத்தூர்

ஜோலாா்பேட்டையில் நவீன எரிமேடை, புதிய குடிநீா் இணைப்பு பணிகளுக்கு பூமி பூஜை

12th Jan 2022 12:00 AM

ADVERTISEMENT

ஜோலாா்பேட்டை நகராட்சியில் ரூ. 2 கோடி மதிப்பீட்டில் நவீன எரிமேடை மற்றும் ஆராய்ச்சி மையம் கட்டுதல், குடிநீா் இணைப்பு உள்ளிட்ட பணிகளுக்கு எம்எல்ஏ க.தேவராஜி செவ்வாய்க்கிழமை பூமி பூஜை செய்து பணியைத் தொடக்கி வைத்தாா்.

ஜோலாா்பேட்டை நகராட்சிக்குட்பட்ட பகுதியில் பொதுமக்களின் நீண்டகால கோரிக்கையான எரி மேடை, கோடியூா் பகுதியில் உள்ள காவல் நிலைய சாலை பகுதியில் உள்ள பொதுமக்களுக்கு குடிநீா் இணைப்பு வழங்குதல் உள்ளிட்ட பணிகளுக்கு எம்எல்ஏ க.தேவராஜி பங்கேற்று பூமி பூஜை செய்து தொடக்கி வைத்தாா்.

நிகழ்ச்சியில், நகராட்சி ஆணையா் பழனி, பொறியாளா் கோபு, நகர திமுக பொறுப்பாளா் ம.அன்பழகன், முன்னாள் மாவட்டப் பொறுப்பாளா் முத்தமிழ் செல்வி, மாவட்டப் பிரதிநிதி சி.எஸ்.பெரியாா்தாசன் உள்ளிட்ட துறை அதிகாரிகள், நகராட்சி ஊழியா்கள், உள்ளாட்சிப் பிரதிநிதிகள், கட்சி நிா்வாகிகள் கலந்து கொண்டனா்.

 

ADVERTISEMENT

ADVERTISEMENT
ADVERTISEMENT