திருப்பத்தூா் அருகே புதிய அங்கன்வாடி கட்டட தொடக்கப் பணிக்கு சனிக்கிழமை பூமி பூஜை நடைபெற்றது.
திருப்பத்தூா் நகராட்சிக்குள்பட்ட அவ்வை நகா் பகுதியில் திருப்பத்தூா் எம்எல்ஏ தொகுதி நிதியிலிருந்து, ரூ. 12.5 லட்சம் மதிப்பீட்டில் புதிய அங்கன்வாடி கட்டடம் கட்டுவதற்கு எம்எல்ஏ அ.நல்லதம்பி பூமி பூஜை செய்து தொடக்கி வைத்தாா்.
நிகழ்ச்சியில், மாவட்ட ஆவின் தலைவா் எஸ்.ராஜேந்திரன், நகா்மன்றத் தலைவா் சங்கீதா வெங்கடேஷ், ஆணையா் ஜெயராமராஜா, பொறியாளா் உமா மகேஸ்வரி, நகா்மன்ற உறுப்பினா்கள் ஜீவிதா பாா்த்திபன், டி.டி.சி.சங்கா் உள்ளிட்டோா் உடனிருந்தனா்.