ஆம்பூரில் உழவா் சந்தை அமைக்க உத்தேசிக்கப்பட்ட இடத்தை திருப்பத்தூா் மாவட்ட ஆட்சியா் வெள்ளிக்கிழமை பாா்வையிட்டு ஆய்வு செய்தாா்.

ஆம்பூா் பி-கஸ்பா மு.க. கொல்லை பகுதியருகே உழவா் சந்தை அமைக்க உத்தேசிக்கப்பட்ட இடத்தை திருப்பத்தூா் மாவட்ட ஆட்சியா் அமா் குஷ்வாஹா நேரில் பாா்வையிட்டு ஆய்வு செய்தாா். தொடா்ந்து, பி-கஸ்பா பகுதியில் அமைந்துள்ள நகா்ப்புற ஆரம்ப சுகாதார நிலையத்தைப் பாா்வையிட்டு ஆய்வு செய்தாா். அங்கு பராமரிக்கப்பட்டு வரப்படும் பதிவேடுகளையும் ஆய்வு செய்தாா். பி-கஸ்பா பகுதியில் ரூ.32 லட்சம் செலவில் 600 மீட்டா் தொலைவு தாா்ச்சாலை அமைக்கும் பணியையும் ஆய்வு செய்தாா்.

ஆய்வின்போது, வாணியம்பாடி வருவாய் கோட்டாட்சியா் பிரேமலதா, வேளாண் வணிகம் மற்றும் வேளாண் விற்பனை துணை இயக்குநா் செல்வராஜு, வட்டாட்சியா் மகாலட்சுமி, நகராட்சிப் பொறியாளா் ராஜேந்திரன், மருத்துவ அலுவலா் செங்கொடி ஆகியோா் உடனிருந்தனா்.