திருப்பத்தூர்

ரயில்வே தரைப்பாலங்களில் தேங்கி நிற்கும் மழை நீா்: எம்.பி., எம்எல்ஏ ஆய்வு

DIN

ஜோலாா்பேட்டை அருகே உள்ள ரயில்வே தரைப்பாலங்களில் தேங்கி நிற்கும் மழை நீரால் 20-க்கும் மேற்பட்ட கிராம மக்கள் அவதிக்குள்ளாகி வருகின்றனா்.

இது குறித்து அப்பகுதியில் எம்.பி., எம்எல்ஏ, ரயில்வே அதிகாரிகள் ஆய்வு மேற்கொண்டனா்.

ஜோலாா்பேட்டையை அடுத்த கட்டேரி ஊராட்சியில் இரண்டு ரயில்வே தரைப்பாலங்கள் அமைக்கப்பட்டுள்ளன. இதில், கட்டேரி ஊராட்சிக்குள்பட்ட லாரி ஷெட் பகுதியில் உள்ள ரயில்வே தரைப்பாலம், பக்ரிதக்கா பகுதியில் ரயில்வே தரைப் பாலத்தையும் சுற்றுப் பகுதியில் உள்ள இருபதுக்கும் மேற்பட்ட கிராமங்களில் வசிக்கும் பல்லாயிரக்கணக்கான மக்கள் இந்த இரு ரயில்வே தரைப் பாலங்களைப் பயன்படுத்தி வருகின்றனா்.

மழைக்காலங்களில் இந்த இரு ரயில்வே தரைப்பாலங்களிலும் மழைநீா் குளம்போல் தேங்கி விடுவதால், மக்கள் 3 முதல் 6 கி.மீ. தொலைவுக்கு சுற்றிச் செல்கின்றனா்.

இந்த நிலையில், திருவண்ணாமலை எம்.பி. சி.என். அண்ணாதுரை, எம்எல்ஏ-க்கள் க.தேவராஜி (ஜோலாா்பேட்டை), அ.நல்லதம்பி (திருப்பத்தூா்) மற்றும் அதிகாரிகள்சனிக்கிழமை அந்த பாலங்களை ஆய்வு செய்தனா்.

பின்னா், இந்தப் பகுதியில் ரயில்வே மேம்பாலம் அமைக்க ரயில்வே துறை அதிகாரிகளிடமும், பொதுப்பணித் துறை அமைச்சா் எ.வ.வேலுவிடம் கூறி பணியை மேற்கொள்வதாக எம்.பி. சி.என்.அண்ணாதுரை தெரிவித்தாா்.

பின்னா், ரயில்வே மண்டல முதுநிலை பொறியாளா் மயிலேரி, உதவி மண்டல பொறியாளா் விகாஸ் யாதவ் ஆகியோரிடம் இந்த பணி மேற்கொள்வதற்கான திட்ட அறிக்கை தயாரித்து ரயில்வே வாரியத்துக்கு அனுப்புமாறு அறிவுறுத்தினாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஆம் ஆத்மியின் தேர்தல் வியூகத்தை பாஜக அறிய விரும்புகிறது: அதிஷி குற்றச்சாட்டு

"பாஜக தவறு செய்தால் நாங்கள் கேட்போம்”: எடப்பாடி பழனிசாமி

நிச்சயதார்த்தம் உண்மைதான்: புகைப்படங்களை வெளியிட்ட சித்தார்த் - அதிதி ராவ்!

”இந்த அரசியல் சதிக்கு மக்கள் பதிலளிப்பார்கள்”: அரவிந்த் கேஜரிவால் | செய்திகள்: சில வரிகளில் | 28.03.2024

தூத்துக்குடியில் பலத்த மழை!

SCROLL FOR NEXT