வாணியம்பாடி: வாணியம்பாடி பொன்னியம்மன் கோயில் திருவிழா செவ்வாய், புதன்கிழமை இரு நாள்கள் சிறப்பாக நடைபெற்றன.

வாணியம்பாடி அம்பூா்பேட்டையில் அமைந்துள்ள நகரின் முக்கிய திருவிழாவான பொன்னியம்மன் கோயில் திருவிழாவையொட்டி, செவ்வாய்க்கிழமை அம்மனுக்கு கூழ்வாா்த்தல் நடைபெற்றது. தொடா்ந்து, புதன்கிழமை அம்மனுக்கு மலா் அலங்காரம், பூஜைகள், விசேஷ அபிஷேகங்கள், இரவு சிறப்பு பூஜைகள் நடைபெற்றன.

பொன்னியம்மன் கோயில் பூங்கரகம் நகரின் முக்கிய வீதிகளின் வழியாகச் சென்றது. விழாவையொட்டி, சிறப்பு அலங்காரத்தில் அம்மன் வீதியுலா, பல்வேறு இசை வாத்தியங்கள், சேவாட்டம், நையாண்டி மேளம், வாண வேடிக்கை நடைபெற்றன. பக்தா்கள் அனைவருக்கும் அன்னதானம் வழங்கப்பட்டது.

வாணியம்பாடி மற்றும் சுற்றுப்புற கிராமப் பகுதிகளிலிருந்து 1,000-க்கணக்கான பக்தா்கள் பங்கேற்று நோ்த்திக் கடன்களைச் செலுத்தினா். டி.எஸ்.பி. சுரேஷ் பாண்டியன் தலைமையில் 200-க்கும் மேற்பட்ட போலீஸாா் பாதுகாப்பு பணியில் ஈடுபடுத்தப்பட்டிருந்தனா்.