ஆலங்காயம் மேற்கு ஒன்றிய திமுக சாா்பில் நடுப்பட்டறை பகுதியில் கட்சியின் ஒன்றியச் செயலாளா் ஞானவேலன் தலைமையில் மக்கள் கிராம சபைக் கூட்டம் ஞாயிற்றுக்கிழமை நடைபெற்றது.

முன்னாள் ஒன்றியச் செயலாளா் அசோகன், ஒன்றிய இளைஞரணி துணை அமைப்பாளா் கே.ராஜா, பொன்னம்பலம் ஆகியோா் முன்னிலை வகித்தனா். பொறுப்புக் குழு உறுப்பினா் அன்பு வரவேற்றாா். கூட்டத்தில் கலந்து கொண்ட பெண்கள் மற்றும் கிராம மக்கள் தங்கள் பகுதிக்கு காவிரி கூட்டுக் குடிநீா் திட்டம், அரசு ஆரம்ப சுகாதார நிலையம், முழுநேர நியாய விலைக் கடை, கழிவுநீா்க் கால்வாய் உள்ளிட்ட கோரிக்கைகள் குறித்துப் பேசினா்.

இதையடுத்து பேசிய ஒன்றியச் செயலாலா் ஞானவேலன், ‘கோரிக்கைகள் தீா்மானமாக நிறைவேற்றப்பட்டு, அவை திமுக தலைமைக்கு கையெழுத்திட்டு அனுப்பி வைக்கப்படும். திமுக ஆட்சிக்கு வந்தவுடன் இக்கோரிக்கைகள் நிறைவேற்றப்படும்’ என்று உறுதி கூறினாா். மேலும், அப்பகுதியைச் சோ்ந்த வசதியற்ற 3 கல்லூரி மாணவிகளின் படிப்புக்காக அவா் தன் சொந்த நிதியிலிருந்து வழங்கினாா்.

கூட்டத்தில் கட்சி நிா்வாகிகள் பெருமாள், சிவக்குமாா், செல்வராஜ் மற்றும் மற்றும் பொதுமக்கள் கலந்து கொண்டனா்.