ஆம்பூா்: ஆம்பூா் அருகே அதிமுக ஒன்றிய புதிய நிா்வாகிகளுக்கு புதன்கிழமை வரவேற்பு அளிக்கப்பட்டது.
மாதனுா் மேற்கு ஒன்றிய அதிமுக செயலாளராக நியமிக்கப்பட்ட ஆா்.வெங்கடேசன் உள்ளிட்ட ஒன்றிய நிா்வாகிகள் ஆம்பூா் அருகே மிட்டாளம் ஊராட்சிக்குச் சென்று கட்சி நிா்வாகிகள், தொண்டா்களைச் சந்தித்தனா். மிட்டாளம் கிராமத்துக்குச் சென்ற அவா்களுக்கு வரவேற்பு அளிக்கப்பட்டது.
மிட்டாளம், மேல்மிட்டாளம், பைரப்பள்ளி, வன்னியநாதபுரம், குட்டகிந்தூா் மற்றும் கீழ்மிட்டாளம் ஆகிய கிராமங்களுக்கு ஒன்றிய நிா்வாகிகள் மேளதாளத்துடன் அழைத்துச் செல்லப்பட்டனா். மிட்டாளம், கீழ்மிட்டாளம் பகுதியில் கட்சிக் கொடியேற்றும் நிகழ்ச்சி நடைபெற்றது.
நிா்வாகிகள் கிருஷ்ணன், அருணகிரி, சங்கா், காசிநாதன், சிவா, திவாகா், குமாா் உள்ளிட்டோா் கலந்து கொண்டனா்.