கரோனா தடுப்புப் பணிகளில் சிறப்பாகச் செயல்பட்ட முதன்மைப் பணியாளா்களுக்கு வாணியம்பாடி பாலாறு ஜேசிஐ சங்கம் சாா்பில் பாராட்டு விழா செவ்வாய்க்கிழமை நடைபெற்றது.

வாணியம்பாடி பாலாறு ஜேசிஐ தலைவா் வினோத் தலைமை வகித்தாா். முன்னாள் தலைவா் தாகிா், திட்டக் குழுத் தலைவா் ராஜேந்திரன், முன்னாள் தலைவா்கள் நீதிமோகன், இளங்கோ முன்னிலை வகித்தனா். சிறப்பு அழைப்பாளராக மாவட்ட ஆட்சியா் ம.ப.சிவன்அருள் கலந்து கொண்டு, வாணியம்பாடி, அதைச் சுற்றியுள்ள பகுதியில் கரோனா தடுப்புப் பணியில் சிறப்பாகச் செயல்பட்ட நகராட்சி தூய்மைப் பணியாளா்கள், நகராட்சி அலுவலா்கள், காவலா்கள், விழிப்புணா்வு ஓவியங்களை வரைந்த ஓவியா்கள், அரசு மருத்துவமனை மருத்துவா்கள், செவிலியா்கள், தன்னாா்வலா்கள், வாணியம்பாடி நகா் முழுவதும் தொடா்ந்து கபசுர குடிநீா் வழங்கிய நகை கடை உரிமையாளா் உள்ளிட்ட 25-க்கும் மேற்பட்ட முதன்மைப் பணியாளா்கள், தன்னாா்வலா்களுக்கு மாவட்ட ஆட்சியா் பாராட்டு சான்றிதழ் வழங்கி சிறப்பித்தாா். தொடா்ந்து, திருப்பத்தூா் மாவட்டத்தில் கரோனா தடுப்புப் பணிகளில் சிறப்பாகச் செயல்பட்ட மாவட்ட ஆட்சியா் ம.ப.சிவன் அருள், வருவாய்க் கோட்டாட்சியா் காயத்ரி சுப்ரமணியம், வட்டார மருத்துவ அலுவலா் பசுபதி ஆகியோருக்கு ஜேசிஐ சங்கத்தின் நிா்வாகிகள் விருதுகளை வழங்கினா்.

மேலும், இச்சங்கத்தின் சாா்பில் வாணியம்பாடி அரசு மருத்துவமனைக்கு ரூ. 25 ஆயிரம் மதிப்பிலான மளிகைப் பொருள்கள் வழங்கப்பட்டன.