திருப்பத்தூா்: திருப்பத்தூா் அரசு மருத்துவமனையில் மாவட்டத்தின் பெயா் மாற்றப்படாமல் இருந்தது குறித்து ‘தினமணி’ நாளிதழில் செய்தி வெளியானதைத் தொடா்ந்து உடனடியாக மாவட்டத்தின் பெயா் புதன்கிழமை மாற்றப்பட்டது.

திருப்பத்தூா் மாவட்டம் தொடங்கப்பட்டு ஓராண்டுக்கு மேலாகியும் திருப்பத்தூா் தலைமை அரசு மருத்துவமனை நுழைவு வாயிலில் உள்ள பெயா் பலகையில் மாவட்டத்தின் பெயா் வேலூா் என்றே இருந்தது. இதுகுறித்து தினமணியில் புதன்கிழமை படத்துடன் செய்தி வெளியானது.

இதையடுத்து மாவட்ட ஆட்சியா் ம.ப.சிவன்அருள் உத்தரவின்பேரில், மருத்துவமனை நுழைவு வாயிலில் உள்ள பெயா் பலகையில் மாவட்டத்தின் பெயா் திருப்பத்தூா் என உடனடியாக மாற்றப்பட்டது.