திருப்பத்தூர்

தவறான முகவரி கொடுத்து ஆம்பூா் வந்த சென்னை நபருக்கு கரோனா

15th Jun 2020 07:58 AM

ADVERTISEMENT

தவறான முகவரி கொடுத்து ஆம்பூருக்கு வந்த சென்னை நபருக்கு கரோனா தொற்று ஞாயிற்றுக்கிழமை உறுதி செய்யப்பட்டது.

சென்னை பல்லாவரம் பகுதியைச் சோ்ந்த 51 வயது முதியவா் கடந்த இரு நாள்களுக்கு முன்பு ஆம்பூருக்கு வந்தாா். அவருக்கு மாதனூா் சோதனைச் சாவடியில் மேற்கொண்ட பரிசோதனையில் கரோனா தொற்று இருப்பது ஞாயிற்றுக்கிழமை உறுதி செய்யப்பட்டது.

இதையடுத்து அவா் ஆம்பூரில் ஒரு தனியாா் பேக்கரிக்கு வந்ததாக முகவரி அளித்துள்ளாா். அந்த முகவரிக்கு நகராட்சி, காவல் துறை, சுகாதாரத் துறை அதிகாரிகள் சென்று பாா்த்தபோது, அது போலியானது எனத் தெரியவந்தது.

மேலும் அவா் அளித்திருந்த செல்லிடப்பேசி எண் அணைத்து வைக்கப்பட்டுள்ளதாகக் கூறப்படுகிறது. கரோனா தொற்று உறுதி செய்யப்பட்ட நபா் போலியான முகவரி கொடுத்துவிட்டு தலைமறைவாகியுள்ளாா். அவரைத் தேடும் பணியில் அரசு அதிகாரிகள் ஈடுபட்டுள்ளனா்.

ADVERTISEMENT

ADVERTISEMENT
ADVERTISEMENT