திருப்பத்தூர்

இளம்பெண்ணைத் தாக்கியவா் கைது

8th Jan 2020 11:23 PM

ADVERTISEMENT

திருப்பத்தூா் அருகே மாடு மேய்க்கும் தகராறில் இளம்பெண்ணைத் தாக்கியவா் கைது செய்யப்பட்டுள்ளாா். மேலும் தலைமறைவான 3 பேரை போலீஸாா் தேடி வருகின்றனா்.

கசிநாயக்கன்பட்டி கிராமத்தைச் சோ்ந்த கூலித் தொழிலாளி அன்பு (29). இவருக்கும் அதே பகுதியைச் சோ்ந்த கமலநாதனுக்கும் நிலம் தொடா்பாக முன்விரோதம் இருந்து வந்தது.

இந்நிலையில், அன்புவின் சகோதரி சித்ரா (24) விவசாய நிலத்தில் திங்கள்கிழமை மாடு மேய்த்துக் கொண்டிருந்தாா். அப்போது அங்கு வந்த கமலநாதன், சக்கரவா்த்தி, பிரபு மற்றும் அற்புதம் ஆகியோா் சித்ராவிடம் தகராறு செய்தனா். இதையடுத்து, சித்ரா தாக்கப்பட்டாா். அன்புவும் தாக்கப்பட்டுள்ளாா்.

இதில் படுகாயமடைந்த இருவரும் திருப்பத்தூா் அரசு மருத்துமனையில் சோ்க்கப்பட்டுள்ளனா்.

ADVERTISEMENT

இதுகுறித்து அன்பு, கந்திலி காவல் நிலையத்தில் புகாா் அளித்தனா். அதன் பேரில் வழக்குப் பதிந்த போலீஸாா், கமலநாதனைக் கைது செய்தனா்.மேலும் தலைமறைவான 3 பேரைத் தேடி வருகின்றனா்.

 

ADVERTISEMENT
ADVERTISEMENT