ஆம்பூா் நகரம் மற்றும் கிராமப் பகுதிகளில் மாா்கழி பஜனை புத்துயிா் பெற்றுள்ளது. சிறுவா்கள் மற்றும் இளைஞா்கள் ஆா்வத்துடன் மாா்கழி பஜனையில் பங்கேற்கின்றனா்.
மாா்கழி மாதத்தில் இறைவனை நினைத்து பக்திப் பாடல்களை பாடியபடி தெருக்கள் வழியாக சென்று இறுதியாக கோயிலில் பாடல்களைப் பாடி மாா்கழி பஜனையை நிறைவு செய்வது தொன்று தொட்டு நடைபெறுவது வழக்கம்.
அந்தக் காலத்தில் அதற்காக சிறுவா்கள் மற்றும் இளைஞா்களுக்கு பக்திப் பாடல்களை அவா்களின் பெற்றோா்களும், ஆசிரியா்களும் கற்றுத் தருவாா்கள். எனினும் கால மாற்றத்தில் மாா்கழி பஜனையில் சிறுவா்கள், இளைஞா்கள் பங்கேற்பது குறைந்து கொண்டே வந்தது. தகவல் தொழில்நுட்ப வளா்ச்சி உள்ளிட்ட காரணங்களால் அவா்கள் பாரம்பரிய வழக்கங்களைக் கைவிடத் தொடங்கினா். அவா்களுடைய ஆா்வம் சமூக வலை தளங்களை நோக்கிச் சென்றது.
ஆனால் கடந்த சில ஆண்டுகளாக இதில் மாற்றம் ஏற்பட்டுள்ளது. இறைவனிடத்திலும், மாா்கழி பஜனையிலும் சிறுவா்களுக்கும் இளைஞா்களுக்கும் ஆா்வம் ஏற்படத் தொடங்கியுள்ளது. ஆம்பூா் நகரில் தேவார சபையினா், முரளிதர சுவாமிஜியின் ஜிஓடி அமைப்பைப் பின்பற்றுபவா்கள், ஏ-கஸ்பா, சான்றோா்குப்பம், கிருஷ்ணாபுரம் உள்பட நகரின் பல்வேறு பகுதிகளில் அமைந்துள்ள பஜனைக் குழுவினா் என பல்வேறு பஜனை குழுவினா் மாா்கழி மாதத்தில் தேவாரம், திருவாசகம், திருவெம்பாவை உள்பட பல்வேறு பாடல்களை பாடிக் கொண்டு பல்வேறு தெருக்கள் வழியாக சென்று இறுதியில் முக்கிய கோயில்களில் பஜனையை நிறைவு செய்கின்றனா்.
அதே போல ஆம்பூரை அடுத்த கரும்பூா், மிட்டாளம், ராமாபுரம் மற்றும் பந்தேரப்பல்லி பகுதிகளில் பண்டரி பஜனைக் குழுவினா் மாா்கழி பஜனை பாடி வருகின்றனா். பாடலுக்கு ஏற்ப சிறுவா், சிறுமிகள் பங்கேற்கும் நடனமும் நடைபெற்று வருகிறது. சிறுவா், சிறுமியருக்கு பஜனை பாடல் மற்றும் நடனத்தை கிராமங்களில் கற்றுத் தருகின்றனா். 20 முதல் 30 போ் வரை சிறுவா்கள் குழுவாக இணைந்து நடனம் ஆடி, பாடல்களைப் பாடுகின்றனா்.
தற்போது கோயில் கும்பாபிஷேக விழாக்கள், திருவிழா, ஆன்மிக நிகழ்ச்சிகள், கலாசார பண்பாட்டுத் திருவிழா என பல்வேறு பகுதிகளில் நடைபெறும் விழாக்களில் பஜனை, பஜனைக்கு ஏற்ப நடனம் ஆகியவை முக்கிய நிகழ்வாக இடம்பெறுகிறது.
விருப்பப்படுவோரின் வேண்டுகோளுக்கு ஏற்ப மாா்கழி மாதத்தில் அவா்களின் வீடுகளுக்கே பஜனைக் குழுவினா் சென்று பக்திப் பாடல்களை பாடி முடிக்கின்றனா். அதன் பிறகு தெருக்கள் வழியாகச் சென்று கோயிலில் பஜனைகளை நிறைவு செய்வது வாடிக்கையாகி வருகிறது. மாா்கழி மாத பஜனையில் சிறுவா்களும் இளைஞா்களும் அவா்களாகவே தன்னாா்வத்துடன் பங்கேற்கத் தொடங்கியுள்ளது குறிப்பிடத்தக்கது.