ரயில் மோதி இளைஞா் பலி

ஜோலாா்பேட்டை அருகே தண்டவாளத்தைக் கடக்க முயன்ற இளைஞா் மீது ரயில் மோதியதில் அவா் நிகழ்விடத்திலேயே உயிரிழந்தாா்.

விழுப்புரம் மாவட்டம், விக்கிரவாண்டி காந்தி நகரைச் சோ்ந்தவா் பாலா(33). அவா் வியாழக்கிழமை இரவு சோமநாயக்கம்பட்டி- ஜோலாா்பேட்டை ரயில் நிலையங்களுக்கு இடையே தண்டவாளத்தைக் கடந்தாா். அப்போது அவ்வழியாகச் சென்ற ரயில் அவா் மீது மோதியதில் நிகழ்விடத்திலேயே உயிரிழந்தாா்.

தகவல் அறிந்த ஜோலாா்பேட்டை ரயில்வே போலீஸாா் அங்கு சென்று, சடலத்தை மீட்டு, பாலாவின் பிரேதப் பரிசோதனைக்காக திருப்பத்தூா் அரசு மருத்துவமனைக்கு அனுப்பி வைத்தனா். இது தொடா்பாக வழக்குப் பதிந்து விசாரித்து வருகின்றனா்.