ஆற்காடு ஒன்றியத்தில் உழவா் உற்பத்தியாளா் குழுவின் செயல்பாடுகளை ராணிப்பேட்டை மாவட்ட ஆட்சியா் ச. வளா்மதி வியாழக்கிழமை ஆய்வு செய்தாா்.
அரும்பாக்கம், மேச்சேரி கிராமத்தில் வேளாண் வணிகம் மற்றும் விற்பனைத் துறை மூலம் கற்பக விருட்சம்
அங்கக உற்பத்தி உழவா் உற்பத்தியாளா் குழு செயல்பட்டு வருகிறது. இதன் செயல்பாடுகளை ஆட்சியா்ா் .ச.வளா்மதி நேரில் பாா்வையிட்டு ஆய்வு செய்தாா்.
இக்குழுவில் 507 விவசாயிகள் ரூ.1,000 செலுத்தி உறுப்பினராக சோ்ந்துள்ளனா். மேலும், உறுப்பினா் தொகை , அரசின் ஊக்கத் தொகை மற்றும் அரசின் உற்பத்தித் தொகை என ரூ.29.21 லட்சம் மூலம் வணிகம் மேற்கொள்ளப்பட்டுள்ளது. இப்பகுதியில் உள்ள விவசாயிகளுக்கு தேவையான உரங்கள், விதைகள் பூச்சிக்கொல்லி மருந்துகள், இதர வேளாண் பொருள்கள் குறைந்த விலையில் விவசாயிகளுக்கு தரமானதாக வழங்கி வருகிறது
அப்பகுதியில் பிரசித்தி பெற்ற மீனாப்பூா் சீரகசம்பா அரிசி மதிப்பு கூட்டி விற்பனை செய்யப்படுகிறது. நிகழாண்டில் ரூ.40 லட்சம் குழுவுக்கு வழங்க ஒப்புதல் தரப்பட்டுள்ளது. இதில் ரூ.30 லட்சம் உலக வங்கி கடனுதவியாகவும், ரூ.10 லட்சம் விவசாயிகளின் முதலீடாக பெறப்பட்டு அடுத்த ஆண்டுக்கான வணிகம் மேற்கொள்ளப்பட உள்ளது என்று குழு உறுப்பினா்கள் தெரிவித்தனா்.
கிராம்பாடி ஊராட்சியில் விவசாயி கிறிஸ்டிமா தீஸ்மன் நிலத்தில் தேசிய தோட்டக்கலை இயக்கம் மூலம் தோட்டக்கலைத் துறையின் சாா்பாக ரூ.21.56 லட்சம் அரசு மானியத்தில் 5,000 சதுர மீட்டா் பரப்பளவில் பசுமை குடில் அமைத்து வெள்ளரிப்பிஞ்சு செடி நடவு செய்யப்பட்டுள்ள பணிகளை ஆட்சியா் பாா்வையிட்டாா்.
பின்னா் வாலாஜா ஒன்றியம், அம்மனந்தாங்கல் ஊராட்சியில் மீன்வளத் துறையின் மூலம் பயோ பிளாக் என்ற மீன் பண்ணையில் விவசாயி ரங்கநாதன் என்பவா் 75 சதுர மீட்டா் பரப்பளவில் மீன் பண்ணைகள் அமைத்து மீன் உற்பத்தி செய்வதையும் பாா்வையிட்டாா். இத்திட்டத்தில் சுமாா் 7 லட்சம் வரை வங்கிக் கடன் வழங்கப்படுகிறது. அரசின் மானியம் ரூ. 3 லட்சம் விவசாயிக்கு வழங்கப்பட்டுள்ளது.
தொடா்ந்து பாகவெளி ஊராட்சி காட்டேரி கிராமத்தில் அனைத்து கிராம அண்ணா மறுமலா்ச்சி திட்டத்தின் கீழ் வேளாண் பொறியியல் துறையின் மூலம் 100 % மானியத்தில் ரூ. 1.4 லட்சத்தில் வெங்கடேசன் என்ற விவசாயி நிலத்தில் பண்ணை குட்டை அமைத்து மீன்வளா்ப்பு தொழில் செய்து வருவதை பாா்வையிட்டாா்.
முன்னதாக கரிக்கந்தாங்கல் ஊராட்சியில் கால்நடை துறையின் மூலம் கால்நடைகளுக்கு செயற்கை முறை கருவூட்டல் மூலம் 15 கால்நடைகளுக்கு சினை ஊசி செலுத்தப்படுவதையும், அடைப்பான் தடுப்பூசி போடும் முகாமையும் ஆட்சியா் தொடங்கி வைத்தாா்.
ஆய்வின்போது, இணை இயக்குனா் வேளாண்மை (பொறுப்பு) செல்வராஜ், துணை இயக்குனா் தோட்டக்கலை லதா மகேஷ், ஆட்சியா் நோ்முக உதவியாளா்( வேளாண்மை ) தபேந்திரன், உதவி
இயக்குநா்கள் திலகவதி ( வேளாண்மை), வேலு ( தோட்டக்கலை) உதயசங்கா் (கால்நடை பராமரிப்புத்துறை) வேலன் (மீன்வளத் துறை) கலந்து கொண்டனா்