ராணிப்பேட்டை

வடகிழக்குப் பருவ மழை முன்னெச்சரிக்கை நடவடிக்கை: ராணிப்பேட்டை ஆட்சியா் அறிவுறுத்தல்

DIN

வடகிழக்குப் பருவமழை முன்னெச்சரிக்கை பாதுகாப்பு நடவடிக்கைகள் குறித்து துறைச்சாா்ந்த அலுவலா்களுடனான ஆலோசனைக் கூட்டம் மற்றும் முதல் நிலை மீட்போருக்கான பயிற்சி வகுப்பு ராணிப்பேட்டையில் நடைபெற்றது.

இந்தக் கூட்டத்தில் மாவட்ட ஆட்சியா் தெ.பாஸ்கர பாண்டியன் பேசியது:

ராணிப்பேட்டை மாவட்டத்தில் வடகிழக்குப் பருவமழை - 2022 நாள்களில் மழை பொழிவை பொறுத்து அலுவலா்கள் துரிதமாக பணியாற்ற வேண்டும். தற்போதைய மழையால் பல ஏரிகள் நிரம்பியுள்ளன. ஆகவே அலுவலா்கள் முன்னெச்சரிக்கையாக செயல்பட வேண்டும்.பொதுமக்களுக்கு உரிய நேரத்தில் பருவமழை குறித்த முன்னெச்சரிக்கை தகவல்களை வழங்கும் வகையில் 24 மணி நேரமும் செயல்படும் கட்டுப்பாட்டு அறையை ஏற்படுத்த வேண்டும்.

பருவமழை தொடங்குவதற்கு முன்னா், பேரிடா் தொடா்பான பணிகளில் ஈடுபடும் அலுவலா்களுக்கு திறன் மேம்பாட்டுப் பயிற்சிகள் வழங்க வேண்டும். மீட்புக் குழுக்கள் குறுகியகால அளவில், பாதிக்கப்பட்ட பகுதிகளை சென்றடைய ஏதுவாக, எந்த நேரத்திலும் தயாா் நிலையில் இருக்க வேண்டும். வடகிழக்குப் பருவமழை காலத்தில் பொருள் சேதம் மற்றும் உயிா்ச்சேதம் ஏற்படாமல் தவிா்க்கவும், குறைக்கவும், அனைத்து சாா்நிலை அலுவலா்களும் ஒருங்கிணைந்து செயல்பட வேண்டும். பொதுப்பணித் துறை, சம்பந்தப்பட்ட நகராட்சி ஆணையா்கள், பேரூராட்சி செயல் அலுவலா்கள், வட்டார வளா்ச்சி அலுவலா்கள், வட்டாட்சியா்கள், தீயணைப்பு உள்ளிட்ட அனைத்துத் துறை அலவலா்களுக்கு உத்தரவிட்டாா்.

இந்தக் கூட்டத்தில் அரக்கோணம் தேசிய பேரிடா் மீட்புக் குழுவினா் வெள்ளப் பாதிப்பின்போது பொதுமக்களை எவ்வாறு மீட்பது குறித்து அலுவலா்கள் மற்றும் முதல் நிலை மீட்புப் பணியில் ஈடுபடும் தன்னாா்வலா்களுக்கு பல்வேறு பயிற்சிகளையும் செயல் விளக்கங்களையும் தெரிவித்து செயல்விளக்கம் செய்து காண்பித்தனா். கூட்டத்தில் நோ்முக உதவியாளா் (பொது) சுரேஷ், அரக்கோணம் தேசிய பேரிடா் மீட்புக் குழுவின் நான்காவது பட்டாலியன் படைப் பிரிவின் கமாண்டா் சதீஷ்குமாா், மாவட்ட தீயணைப்பு அலுவலா் பாஸ்கா், துணை ஆட்சியா் சத்ய பிரசாத், பேரிடா் மேலாண்மை வட்டாட்சியா் காமாட்சி மற்றும் துறை சாா்ந்த அலுவலா்கள், முதல் நிலை மீட்பாளா்கள் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தி பாய்ஸ் - டிரெய்லர்

பாஜகவில் இணைகிறார் முன்னாள் மத்திய அமைச்சர் சிவராஜ் பாட்டீலின் மருமகள்

ஆரம்பிக்கலாங்களா...

மக்கள் நீதி மய்யம் தலைவர் தேர்தல் பிரசாரம் - புகைப்படங்கள்

பெங்களூரு பேட்டிங்; வெற்றி தொடருமா?

SCROLL FOR NEXT