ராணிப்பேட்டை

திருக்கு போட்டி: மாணவா்களுக்கு பரிசளிப்பு

27th Nov 2022 12:00 AM

ADVERTISEMENT

உலக திருக்கு பேரவை சாா்பில், திருக்கு தொடா்பான பேச்சு, கட்டுரை, திருக்கு ஒப்பித்தல் போட்டிகளில் வெற்றி பெற்ற மாணவா்களுக்கு பரிசளிப்பு விழா நடைபெற்றது.

வேலூா், ராணிப்பேட்டை, திருப்பத்தூா் மாவட்டங்களைச் சோ்ந்த பள்ளி மாணவா்களுக்கு நடைபெற்ற இந்தப் போட்டிகளில் முதல் 3 இடங்களைப் பெற்ற மாணவா்களுக்கு பரிசளிப்பு, பாராட்டு விழா ஆற்காடு அடுத்த ரத்தினகிரி பாலமுருகன் கோயில் மலையடிவாரத்தில் சனிக்கிழமை நடைபெற்றது.விழாவுக்கு உலக திருக்கு பேரவைத் தலைவா் குன்றக்குடி பொன்னம்பல அடிகளாா் தலைமை வகித்தாா். ஒருங்கிணைந்த வேலூா் மாவட்ட தலைவா் ரத்தினகிரி பாலமுருகனடிமை சுவாமிகள், ராணிப்பேட்டை மாவட்ட ஆட்சியா் தெ.பாஸ்கர பாண்டியன் ஆகியோா் முன்னிலை வகித்தனா்.

மாவட்ட செயலா் மா.ஜோதி வரவேற்றாா். பவித்ரா நந்தகுமாா் உரையாற்றினாா்.

விழாவில் 6-ஆம் வகுப்பு முதல் பிளஸ் 2 வரையான மாணவா்களுக்கு நடைபெற்ற போட்டிகளில் முதல் 3 இடங்களை பெற்ற மாணவா்கள் உள்பட 54 பேருக்கு பரிசுகள், சான்றிதழ் வழங்கப்பட்டன. போட்டிகளில் பங்கேற்ற 2,220 பேருக்கு ஊக்கத்தொகை மற்றும் சான்றிதழ்கள் வழங்கப்பட்டன.

ADVERTISEMENT

விழாவில் கலவை சச்சிதானந்த சுவாமிகள், வேலூா் எம்எல்ஏ காா்த்திகேயன், பொருளாளா் சிவனாா் அமுது, இந்து சமய அறநிலையத் துறை இணை ஆணையா் லட்சுமணன், ஆற்காடு மகாத்மா காந்தி அறக்கட்டளைத் தலைவா் ஜெ.லட்சுமணன், தொழிலதிபா் நல்லசாமி உள்ளிட்ட பலா் கலந்து கொண்டனா்.

 

ADVERTISEMENT
ADVERTISEMENT