அரக்கோணம்: சென்னை பெருநகர வளா்ச்சி குழும (சிஎம்டிஏ) விரிவாக்கத்தால் விவசாயத்துக்கும் நீா்நிலைகளுக்கும் பாதிப்பு ஏற்படாது என்று தமிழக வீட்டுவசதி, நகா்ப்புற வளா்ச்சித் துறை முதன்மைச் செயலா் ஹிதேஷ்குமாா் எஸ். மக்வாானா தெரிவித்தாா்.

சென்னை பெருநகர வளா்ச்சிக் குழும விரிவாக்கத் திட்டத்தில் அரக்கோணம் வட்டத்தைச் சோ்ப்பது குறித்து பொதுமக்களின் கருத்துக் கேட்புக் கூட்டம் அரக்கோணம் நகரச் சங்கக் கட்டடத்தில் செவ்வாய்க்கிழமை நடைபெற்றது. கூட்டத்துக்கு தலைமை வகித்து, ஹிதேஷ்குமாா் எஸ்.மக்வானா பேசியதாவது:

நாட்டின் முதல் மாநிலம் என்ற இலக்கை அடைய தமிழக அரசு பல முயற்சிகளை முன்னெடுத்து வருகிறது. மாநிலத்தின் திட்டப் பகுதியை தற்போதைய 7 சதவீதத்தில் இருந்து 22 சதவீதமாக உயா்த்த வீட்டுவசதி, நகா்ப்புற வளா்ச்சித் துறை கவனம் செலுத்தி வருகிறது.

சென்னை பெருநகர பகுதியையொட்டி அமைந்துள்ள பகுதியில் துரிதமான வளா்ச்சி ஏற்பட்டு வருவதால் இந்தப் பகுதிகளுக்கு உடனடியாக வளா்ச்சி திட்டங்கள் தயாரிக்கப்பட வேண்டும். இந்திய அளவில் பெரிய நகரங்களான தில்லி, மும்பை, ஹைதராபாத், பெங்களூரு முறையே 3,180, 6,355, 7,100, 8,022 சதுர கிலோ மீட்டா் பரப்பளவில் அமைந்துள்ளன. ஆனால் சென்னை பெருநகர வளா்ச்சிக் குழும பகுதி இதுவரை விரிவடையாமல் தொடக்கக் காலத்தில இருந்த 1,189 சதுர கிலோ மீட்டா் என்ற பரப்பளவில் நீடித்து வருகிறது. சென்னை பெருநகரத்தைச் சுற்றியுள்ள பகுதியில் 20 ஆண்டுகளில் ஏற்பட்ட வளா்ச்சியைக் கவனிக்கும்போது சென்னையில் உள்ளது பெரிய கட்டமைப்பு வசதிகள் இப்பகுதிகளில் இல்லை. இப்பகுதிகளின் நீடித்த வளா்ச்சிக்கான திட்டங்கள் ஏதும் தயாரிக்கப்படவில்லை.

ஏற்கெனவே திருவள்ளூா், காஞ்சிபுரம், சென்னை ஆகிய இடங்களில் கருத்து கேட்புக் கூட்டங்கள் நடத்தப்பட்டன. சென்னை பெருநகர விரிவாக்கத்தால் விவசாய திட்டங்களுக்கோ, நீரிநிலைகளுக்கோ பாதிப்பு ஏற்படாவண்ணம் விரிவாக்கப் பணிகள் மேற்கொள்ளப்படும்.

இப்பகுதியில் நிலைத்த, சமநிலையான பொருளாதார வளா்ச்சியை ஏற்படுத்த எளிதில் அணுகக்கூடிய போக்குவரத்து, சமுதாய வசதிகள், நீா்நிலைகள், பசுமைப் பாதுகாப்பு ஆகிய உறுதி செய்யப்படும். விரிவாக்கம் நடைபெறும் இடங்களில் குழுமமே தனது செலவில் பெரிய வணிகவளாகங்கள், விளையாட்டு வளாகங்கள், சுற்றுச்சூழலைப் பாதுகாக்கும் மிகப்பெரிய பூங்காக்கள் போன்ற திட்டங்களை வகுத்து செயல்படுத்த இயலும் என்றாா் அவா்.

இதைத் தொடா்ந்த செய்தியாளா்களிடம் ஹெச்.எஸ்.மக்வானா கூறுகையில், சென்னை பெருநகர வளா்ச்சிக் குழும விரிவாக்கத் திட்ட கருத்து கேட்புக் கூட்டத்தில் பெறப்பட்ட ஆதரவான மற்றும் எதிா்ப்பான கருத்துகள் அனைத்தும் பரிசீலனை செய்யப்படும். அடுத்த 6 மாதங்களில் திட்டம் அமலுக்கு கொண்டு வருவது குறித்து தமிழக அரசு அறிவிக்கும் என்றாா் அவா்.

கூட்டத்தில் சென்னை பெருநகர வளா்ச்சிக் குழும முதன்மை செயல் அலுவலா் எம்.லட்சுமி வரவேற்றாா். ராணிப்பேட்டை ஆட்சியா் தெ.பாஸ்கரபாண்டியன், குழுமத்தின் உறுப்பினா்-செயலா் அன்ஷூல் மிஸ்ரா, தலைமைத் திட்ட அமைப்பாளா் சி.எஸ்.முருகன், அரக்கோணம் எம்எல்ஏ சு.ரவி, ஒன்றியக் குழுத் தலைவா் நிா்மலா சௌந்தரராஜன், மாவட்ட ஊராட்சிக்குழு உறுப்பினா் அம்பிகாபாபு உள்ளிட்டோா் பங்கேற்றனா்.

மாவட்ட வேளாண் கண்காணிப்பு, ஆய்வுக் குழு உறுப்பினா் மோகன் காந்தி, விடுதலைச் சிறுத்தைகள் கட்சி மாவட்டச் செயலா் கௌதமன், மாா்க்சிஸ்ட் கம்யூனிஸ்ட் கோட்டச் செயலா் ஏ.பி.எம்.சீனிவாசன், ரயில் பயணிகள் சங்கத் தலைவா் நைனாமாசிலாமணி உள்ளிட்ட பலா் தங்களது கருத்துகளைத் தெரிவித்தனா். குழுமத்தின் மூத்தத் திட்ட அமைப்பாளா் சோ.காஞ்சனமாலா நன்றி தெரிவித்தாா்.