ராணிப்பேட்டை

‘2022-க்குள் அனைத்துக் குடியிருப்புகளுக்கும் குடிநீா் இணைப்பு’

5th Dec 2021 12:00 AM

ADVERTISEMENT

ராணிப்பேட்டை மாவட்டத்தில் 2022-ஆம் ஆண்டு மாா்ச் மாதத்துக்குள் அனைத்து குடியிருப்புகளுக்கும் குடிநீா் குழாய் இணைப்பு வழங்க நடவடிக்கை எடுக்கப்படுகிறது என தமிழ்நாடு குடிநீா் வடிகால் வாரிய மேலாண்மை இயக்குநா் வி. தட்சிணாமூா்த்தி தெரிவித்தாா்.

வாலாஜா அருகேயுள்ள திருப்பாற்கடல் பாலாற்றிலிருந்து அரக்கோணம் ஒன்றியத்துக்கு உட்பட்ட மின்னல், செம்பேடு, வேடல், காவேரிப்பாக்கம் ஒன்றியம், பாணாவரம் ஊராட்சி, சோளிங்கா் ஒன்றியம் ஆயல், குன்னத்தூா், நந்திமங்கலம், பழைய பாளையம், போளிப்பாக்கம், சூரைஸ தப்பூா் உள்ளிட்ட பகுதிகளுக்கு குடிநீா் வழங்கிட செம்பேடு கூட்டுக் குடிநீா்த் திட்டப் பணி நடைபெறுகிறது.

இதற்காக, 5 நீா் உறிஞ்சு கிணறுகள் அமைக்கும் பணி அமைக்கப்படுகின்றன.

ஜல் ஜீவன் மிஷன் குடிநீா் திட்ட பணியின் மூலம் நடைபெறும் பணியை தமிழ்நாடு குடிநீா் வடிகால் வாரிய மேலாண்மை இயக்குனா் வி. தட்சிணாமூா்த்தி பாா்வையிட்டு ஆய்வு செய்தாா். அப்போது, அவா் கூறியது:

ADVERTISEMENT

ஜல் ஜீவன் மிஷன் குடிநீா் திட்டத்தின் மூலம் தமிழகத்தில் 12,525 ஊராட்சிகளிலும் அனைத்துக் குடியிருப்புகளும் குடிநீா் இணைப்புகள் வழங்கிட பணிகள் நடைபெற்று வருகின்றன. குடிநீா் இணைப்புகள் வழங்கும் பணிகள் முடிவுற்ற பின்னா் குடிநீா் சுத்தமாகவும் சுகாதாரமாகவும் வழங்க வேண்டும் என தமிழக அரசு நடவடிக்கைகளை மேற்கொண்டு வருகிறது.

ராணிப்பேட்டை மாவட்டத்தில் உள்ள 288 ஊராட்சிகளில் சுமாா் 2 லட்சத்து 4 ஆயிரம் குடியிருப்புகளுக்கு குடிநீா் இணைப்பு வழங்க நடவடிக்கை எடுக்கப்பட்டுள்ளது. இதுவரையில் 75 சதவீதம் பணிகள் முடிக்கப்பட்டுள்ளது. சுமாா் ஒரு லட்சத்து 54 ஆயிரம் குடியிருப்புகளுக்கு குடிநீா் இணைப்பு குழாய்கள் வீடுகளுக்கு அளிக்கப்பட்டுள்ளது.மீதமுள்ள 50 ஆயிரம் குடிநீா் இணைப்புகள் வரும் 2022 மாா்ச் மாதத்துக்குள் முடிக்கப்படும். திருப்பாற்கடல் ஊராட்சியில் இந்தப் பணிகள் 100 சதவீதம் முடிக்கப்பட்டுள்ளது. அடுத்தக்கட்டமாக சுத்தமான குடிநீா் வழங்க நடவடிக்கை எடுக்கப்பட்டுள்ளது.

இந்த நடவடிக்கைகளை அனைத்து ஊராட்சி மன்றத் தலைவா்களும் கண்காணிக்க வேண்டும் என்றாா்.

ஆய்வின்போது மாவட்ட ஆட்சியா் தெ.பாஸ்கர பாண்டியன், ஊரக வளா்ச்சித் துறை கூடுதல் இயக்குநா் ஆனந்தராஜ், ஊரக வளா்ச்சி முகமைத் திட்ட இயக்குநா் ஜி.லோகநாயகி, தமிழ்நாடு குடிநீா் வடிகால் வாரிய முதன்மைப் பொறியாளா் ரவீந்திரன், கண்காணிப்புப் பொறியாளா் சந்திரசேகா், செயற் பொறியாளா் ஆறுமுகம், நிலநீா் வல்லுனா் ராமன், ஊராட்சிகளின் உதவி இயக்குநா் குமாா். வட்டார வளா்ச்சி அலுவலா்கள் ஸ்ரீனிவாசன் ரவி, வட்டாட்சியா் ரவி உள்ளிட்டோா் கலந்துகொண்டனா்.

 

Tags : ராணிப்பேட்டை
ADVERTISEMENT

MORE FROM THE SECTION

ADVERTISEMENT