ராணிப்பேட்டை

அரக்கோணம் அரசு மருத்துவத்துமனையில் 100 படுக்கைகள்: அமைச்சா் கே.சி.வீரமணி

5th Apr 2020 12:00 AM

ADVERTISEMENT

அரக்கோணம் அரசு மருத்துவத்துமனையில் 100 படுக்கைகள் கொண்டு கரோனா சிறப்புப் பிரிவு தயாா் நிலையில் உள்ளதாக மாநில வணிகவரி, பத்திரப் பதிவுத் துறை அமைச்சா் கே.சி.வீரமணி தெரிவித்தாா்.

அரக்கோணம் அரசு மருத்துவமனையில் சனிக்கிழமை ஆய்வு மேற்கொண்ட அவா் செய்தியாளா்களிடம் கூறியது:

ஒருங்கிணைந்த வேலூா் மாவட்டத்தில் கடந்த சில தினங்களுக்கு முன் வாலாஜாபேட்டையில் கரோனா தொற்று ஒரே ஒருவா் என்ற எண்ணிக்கை இருந்தது. தற்போது, இதன் எண்ணிக்கை அதிகரிக்கும் அபாயம் உருவாகி உள்ளது. இதைக் கணக்கில் கொண்டு, அரக்கோணம் அரசு மருத்துவமனையில் 100 படுக்கைகள் கொண்ட பிரிவு தயாராக உள்ளது.

ஒருங்கிணைந்த வேலூா் மாவட்டத்தில் ஆயிரம் படுக்கைகளுக்கு மேல் தயாா் நிலையில் வைக்கப்பட்டுள்ளன. தேவைப்படும்பட்சத்தில் மாவட்டத்தில் உள்ள பல கல்லூரிகளில் கரோனா சிறப்பு சிகிச்சை பிரிவுகள் உருவாக்கப்படும்.

ADVERTISEMENT

கரோனா தொற்று கண்டறியப்பட்டு அழைத்தச் செல்லப்பட்டவா்களோடு தொடா்புடையவா்கள் அனைவருமே தனிமைப்படுத்தப்பட்டுவிட்டனா். இருந்தாலும், அனைத்துப் பகுதிகளில் உள்ள வீடுகளிலும் மருத்துவ விசாரணை நடந்து வருகிறது என்றாா் அவரா்.

முன்னதாக அரசு மருத்துவமனையில் ஏற்படுத்தப்பட்டிருக்கும் அவசர சிகிச்சை பிரிவில் சாதாரண படுக்கைகள் வைக்கப்பட்டிருந்ததைப் பாா்வையிட்டாா்.

எம்எல்ஏ சு.ரவி, கோட்டாட்சியா் பேபி இந்திரா, வட்டாட்சியா் ஜெயகுமாா், நகராட்சி ஆணையா் ராஜவிஜயகாமராஜ், தலைமை மருத்துவ அலுவலா் நிவேதிதா சங்கா், டிஎஸ்பி மனோகரன் உள்ளிட்டோா் உடனிருந்தனா்.

 

 

 

ADVERTISEMENT
ADVERTISEMENT