காஞ்சிபுரம் மாநகராட்சியில் ரூ. 3 கோடியில் 4 இடங்களில் தாா்ச் சாலை அமைக்கும் பணிகளை சட்டப் பேரவை உறுப்பினா்கள் வெள்ளிக்கிழமை தொடக்கி வைத்தனா்.

காஞ்சிபுரம் மாநகராட்சியில் சாலபோகம் தெரு, அண்ணா தெரு, பாரதியாா் தெரு, சக்கரத்தாழ்வாா் தெரு ஆகிய 4 தெருக்களில் மண் சாலைகளை தாா்ச் சாலைகளாக மாற்ற ரூ. 3 கோடி நிதி ஒதுக்கப்பட்டது. இதையடுத்து, சாலை அமைக்கும் பணிகளை எம்எல்ஏ-க்கள் க.சுந்தா், சி.வி.எம்.பி.எழிலரசன் ஆகியோா் தொடக்கி வைத்தனா்.

நிகழ்வில், காஞ்சிபுரம் மேயா் எம்.மகாலட்சுமி யுவராஜ், மாநகராட்சி ஆணையா் ஜி.கண்ணன், மண்டலக் குழுவின் தலைவா்கள் சந்துரு, சாந்தி சீனிவாசன், பணிக்குழுவின் தலைவா் சுரேஷ் உள்ளிட்டோா் கலந்து கொண்டனா்.