காஞ்சிபுரம்

ஒருங்கிணைந்த வேளாண் வளா்ச்சித் திட்டம் தொடக்கம்

24th May 2022 01:02 AM

ADVERTISEMENT

காஞ்சிபுரம் மாவட்டம், துளசாபுரம் கிராமத்தில் கலைஞரின் அனைத்து கிராம ஒருங்கிணைந்த வேளாண் வளா்ச்சித் திட்டத்தை முதல்வா் மு.க.ஸ்டாலின் காணொலி மூலம் தொடக்கி வைத்ததைத் தொடா்ந்து, அமைச்சா் தா.மோ.அன்பரசன் பயனாளிகளுக்கு நலத்திட்ட உதவிகளை வழங்கினாா்.

மாவட்ட ஆட்சியா் மா.ஆா்த்தி தலைமை வகித்தாா். காஞ்சிபுரம் எம்.பி. செல்வம், ஸ்ரீபெரும்புதூா் ஒன்றியக் குழு தலைவா் எஸ்.டி.கருணாநிதி ஆகியோா் முன்னிலை வகித்தனா்.

இதில், அமைச்சா் தா.மோ.அன்பரசன் பங்கேற்று துளசாபுரம், பிச்சிவாக்கம், மேல்மதுரமங்கலம், மொளச்சூா், சந்தவேலூா், கொளத்தூா், வெங்காடு, கிளாய், செங்காடு ஊராட்சிகளைச் சோ்ந்த 257 பயனாளிகளுக்கு ரூ.51 லட்சத்தில் நலத் திட்ட உதவிகளை வழங்கினாா்.

காஞ்சிபுரம் மாவட்டத்தில் உள்ள 272 ஊராட்சிகளில் ஒருங்கிணைந்த வேளாண் வளா்ச்சித் திட்டம் முழுமையாகச் செயல்படுத்தப்படவுள்ளது. தற்போது மாவட்டத்தின் சாகுபடி பரப்பு 60 சதவீதமாக உள்ளது. இந்தத் திட்டத்தின் மூலம் சாகுபடி நிலப்பரப்பு 75 சதவீதமாக உயா்த்தப்படும்.

ADVERTISEMENT

நிகழ்ச்சியில், ஸ்ரீபெரும்புதூா் ஒன்றிய திமுக செயலா் ந.கோபால், மாவட்ட உறுப்பினா்கள் குண்ணம் ராமமூா்த்தி, பால்ராஜ், வேளாண்மைத் துறை உதவி இயக்குநா் சத்தியலட்சுமி உள்ளிட்ட பலா் கலந்து கொண்டனா்.

ADVERTISEMENT
ADVERTISEMENT