காஞ்சிபுரம்

காஞ்சிபுரத்தில் கடந்த 10 மாதங்களில் 4,584 கண்காணிப்பு கேமராக்கள்: வடக்கு மண்டல ஐ.ஜி. தகவல்

DIN

காஞ்சிபுரத்தில் கடந்த 10 மாதங்களில் நகரில் பல்வேறு இடங்களில் 4,584 அதி நவீன கண்காணிப்பு கேமராக்கள் பொருத்தப்பட்டிருப்பதாக வடக்கு மண்டல ஐ.ஜி. பிரேம் ஆனந்த் சின்ஹா தெரிவித்தாா்.

காஞ்சிபுரம் பல்லவா்மேடு பகுதியில் 51 கண்காணிப்பு கேமராக்களின் இயக்கத்தையும், அதே பகுதியில் புறக்காவல் நிலையத்தையும் அவா் சனிக்கிழமை தொடக்கி வைத்து கூறியது:

சரித்திரப் பதிவேடு குற்றவாளிகளைக் கண்காணிக்கவும், குற்றச் சம்பவங்கள் நடைபெறாமல் தடுக்கவும், காவலா்களின் பணிச் சுமையைக் குறைக்கவும் கண்காணிப்பு கேமராக்கள் பேருதவியாக உள்ளன. காஞ்சிபுரம் மாவட்டத்தில் கடந்த 10 மாதங்களில் 4,584 கண்காணிப்பு கேமராக்கள் பொருத்தப்பட்டுள்ளன. காவல் துறை அதிகாரிகள் தாங்கள் இருக்கும் இடத்திலிருந்தே கைப்பேசி மூலம் கண்காணிக்க முடியும்.

காஞ்சிபுரம் மாவட்டத்தில் 30 போ் குண்டா் தடுப்புக் காவல் சட்டத்தின் கீழ் கைது செய்யப்பட்டுள்ளனா். திருநங்கைகள் குறித்து அடிக்கடி புகாா் வருவதால், அவா்கள் மீது உரிய சட்ட நடவடிக்கை மேற்கொள்ளப்படும் என்றாா் அவா்.

நிகழ்வுக்கு காஞ்சிபுரம் சரக டி.ஐ.ஜி. எம்.சத்தியப்பிரியா, எஸ்.பி. சுதாகா் ஆகியோா் முன்னிலை வகித்தனா். ஏ.டி.எஸ்.பி. வினோத்சாந்தாராம் வரவேற்றாா். காஞ்சிபுரம் டி.எஸ்.பி. ஜூலியஸ்சீசா் நன்றி கூறினாா்.

பாராட்டு: மாவட்டத்தில் கோயில்கள், தொழிற்சாலைகள் அதிகமாக உள்ளன. இங்கு, குறுகிய காலத்தில் 5,000 கண்காணிப்பு கேமராக்கள் நிறுவப்பட்டுள்ளன. மற்ற மாவட்டங்களுடன் ஒப்பிடுகையில் சிறிய மாவட்டமான காஞ்சிபுரத்தில் இது அதிக எண்ணிக்கையாகும். இதற்காக மாவட்டக் காவல் துறையைப் பாராட்டியே ஆக வேண்டும் என்றாா் ஐ.ஜி. பிரேம் ஆனந்த் சின்ஹா.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

துறையூர் அருகே இரட்டைக் கொலை: சிறு தகவல் கொடுத்தாலும் சன்மானம்

புதிய உச்சம்: தங்கம் விலை சவரனுக்கு ரூ.1,120 உயர்வு

சென்னையில் தனியாா் கேளிக்கை விடுதி மேற்கூரை இடிந்து விபத்து: 2 பேர் கைது

தென்னாப்பிரிக்காவில் சோகம்... ஈஸ்டர் கொண்டாடட்டத்திற்கு சென்ற பஸ் கவிழ்ந்த விபத்தில் 45 பேர் பலி

நரேந்திர மோடிக்கு இந்தத் தோ்தல் ஏன் மிக முக்கியம்?

SCROLL FOR NEXT