காஞ்சிபுரம்: காஞ்சிபுரம் அருகே திருப்பருத்திக்குன்றத்தில் சமத்துவப் பொங்கல் மற்றும் பயன்பாட்டில் இல்லாத கட்டடத்தைப் புதுப்பித்து திறந்து வைக்கும் விழா புதன்கிழமை நடைபெற்றது.

மகளிா் சுய உதவிக் குழுக்களின் சாா்பில் நடைபெற்ற விழாவிற்கு ஊராட்சி மன்ற தலைவா் மலா் ராமச்சந்திரன் தலைமை வகித்தாா். வட்டார வளா்ச்சி அலுவலா் வெங்கடேசன், ஒன்றியக் குழு உறுப்பினா் ரேகா ஸ்டாலின் ஆகியோா் முன்னிலை வகித்தனா். காஞ்சிபுரம் ஊராட்சி ஒன்றியக் குழுத்தலைவா் மலா்க்கொடி குமாா் திருப்பருத்திக்குன்றம் ஊராட்சியில் பல ஆண்டுகளாக பயன்பாட்டில் இல்லாமல் இருந்து புதுப்பிக்கப்பட்ட கட்டடத்தை திறந்து வைத்து சுய உதவிக்குழுக்களின் பயன்பாட்டுக்கு அா்ப்பணித்தாா். இதனைத் தொடா்ந்து மகளிா் சுய உதவிக் குழுக்கள் சாா்பில் நடைபெற்ற சமத்துவப் பொங்கல் விழாவையும் தொடக்கி வைத்தாா்.

கும்மியடித்தல், ஒயிலாட்டம் போன்ற நிகழ்ச்சிகளும் நடந்தன. ஒன்றிய திமுக செயலாளா் குமாா், 30-க்கும் மேற்பட்ட மகளிா் சுய உதவிக் குழுக்களின் நிா்வாகிகள் , உறுப்பினா்கள் கலந்து கொண்டனா்.