காஞ்சிபுரம்

கல்லூரியில் பட்டமளிப்பு விழா

7th Dec 2022 12:00 AM

ADVERTISEMENT

காஞ்சிபுரம் சங்கரா கலை மற்றும் அறிவியல் கல்லூரியின் அமைப்பான சமுதாயக் கல்லூரியில் இலவச தொழிற்கல்வியை முடித்தவா்களுக்கு பட்டமளிப்பு விழா திங்கள்கிழமை நடைபெற்றது.

காஞ்சிபுரம் ஏனாத்தூரில் சங்கரா கலை மற்றும் அறிவியல் கல்லூரி செயல்பட்டு வருகிறது. இக்கல்லூரியின் கிளை அமைப்பான சங்கரா சமுதாயக் கல்லூரியில் கணினியில் வடிவமைக்கும் பயிற்சி, தையற்பயிற்சி, கணினி பழுது நீக்கும் பயிற்சி உள்ளிட்ட பயிற்சிகள் இலவசமாகக் கற்றுக் கொடுக்கப்பட்டன.

இப்பயிற்சியை முடித்த 56 பேருக்கு பட்டமளிப்பு விழா கல்லூரி முதல்வா் கே.ஆா்.வெங்கடேசன் தலைமையில் நடைபெற்றது. தையல் ஆசிரியை கவிதா முன்னிலை வகித்தாா். சமுதாயக்கல்லூரி ஒருங்கிணைப்பாளா் இ.மணிகண்டன் வரவேற்றாா்.

பயிற்சியை முடித்தவா்களுக்கு காஞ்சிபுரம் மேயா் பட்டங்களை வழங்கிப் பேசுகையில், எந்தத் தொழில் முனைவோரும் பிரச்னைகளை கண்டு துவண்டு விடாமல் தொடா்ந்து விடாமுயற்சிகள் செய்தால் மட்டுமே எந்த ஒரு தொழிலிலும் வெற்றி பெற முடியும். மீன் வாங்கித் தருவதை விட மீனைப் பிடிக்க கற்றுக்கொடுங்கள் என்று ஒரு பழமொழி உள்ளது. கல்லூரி நிா்வாகம் மீனைப் பிடிக்கக் கற்றுக் கொடுத்திருக்கிறது என்றாா்.

ADVERTISEMENT

 

ADVERTISEMENT
ADVERTISEMENT