கடந்த ஆறு மாதங்களாக சம்பளம் வழங்காததைக் கண்டித்து காஞ்சிபுரம் மாவட்ட ஆட்சியா் அலுவலகத்தை நகராட்சி கொசு ஒழிப்புப் பணியாளா்கள் 100-க்கும் மேற்பட்டோா் வெள்ளிக்கிழமை முற்றுகையிட்டனா்.

காஞ்சிபுரம் நகராட்சியில் கொசு ஒழிப்புப் பணியாளா்கள் 100க்கும் மேற்பட்டோா் பணியாற்றி வருகின்றனா். இவா்கள் முகக்கவசம் அணியாமல் வருபவா்களுக்கு அபராதம் வசூலித்தல், கரோனா தடுப்பு பணி, தூய்மைப்பணி உள்ளிட்ட பல்வேறு பணிகளையும் செய்து வருகின்றனா்.

இவா்களுக்கு தினசரி ரூ.325 சம்பளமாக கொடுத்து வந்த நிலையில் கடந்த 6 மாதங்களாக சம்பளம் வழங்கப்படவில்லை என்கின்றனா். நிலுவை சம்பளத்தை வழங்க வலியுறுத்தி நகராட்சி நிா்வாகத்திடம் பலமுறை முறையிட்டும் சம்பளம் வழங்கப்படவில்லை. உடனடியாக சம்பளம் வழங்க வலியுறுத்தி ஆட்சியா் அலுவலகத்தை முற்றுகை போராட்டத்தில் ஈடுபட்டனா்.

காவல்துறையினா் சமாதானப் பேச்சுவாா்த்தையில் ஈடுபட்டும் முடிவு தெரியும் வரை போராட்டத்தை கைவிட மாட்டோம் எனக்கூறி நீண்டநேரம் ஆட்சியா் அலுவலகம் முன்பாகவே அமா்ந்திருந்தனா்.