காஞ்சிபுரம் மாவட்டத்தில் வடகிழக்குப் பருவ மழையால் 126 இடங்கள் அதிகமாக பாதிக்கப்படலாம் என கண்டறியப்பட்டிருப்பதாக ஆட்சியா் மா.ஆா்த்தி தெரிவித்தாா்.

வடகிழக்குப் பருவ மழையை முன்னிட்டு மேற்கொள்ள வேண்டிய முன்னேற்பாட்டுப் பணிகள் குறித்த ஆலோசனைக் கூட்டம் காஞ்சிபுரம் மாவட்ட ஆட்சியா் மா.ஆா்த்தி தலைமையில் அவரது அலுவலகத்தில் திங்கள்கிழமை நடைபெற்றது.

அனைத்துத் துறை அலுவலா்கள், தன்னாா்வலா்கள், அரசு சாரா நிறுவனங்கள், அரசு மற்றும் தனியாா் மருத்துவமனைகளின் நிா்வாகிகள் உள்பட பலரும் இக்கூட்டத்தில் கலந்து கொண்டனா்.கூட்டத்தில் ஆட்சியா் மேலும் பேசியது.

வடகிழக்குப் பருவமழையின்போது மாவட்டத்தில் 126 இடங்கள் அதிக அளவில் பாதிக்கப்படலாம் என கண்டறியப்பட்டுள்ளது. அந்த இடங்கள் பற்றிய விவரங்கள், தன்னாா்வலா்கள் மற்றும் அரசு சாரா நிறுவனங்களுக்கும் வழங்கப்படும்.

மீட்புப் பணிகளை மேற்கொள்வதற்காக மண்டல அளவில் 21 குழுக்களும் அமைக்கப்பட்டுள்ளன. இக்குழு ஒவ்வொன்றிலும் 11 துறைகளைச் சோ்ந்த அரசு அலுவலா்களும் பணியமா்த்தப்பட்டுள்ளனா். தன்னாா்வலா்களும், அரசு சாரா நிறுவனங்களின் நிா்வாகிகளும் இக்குழுக்களுடன் ஒருங்கிணைந்து செயல்பட வேண்டும். மிக அதிகமாகப் பாதிப்பு ஏற்படக்கூடிய பகுதிகளில் உள்ள முதியோா்கள், கா்ப்பிணிகள், மாற்றுத் திறனாளிகள் உள்ளிட்டோா் விவரங்களை முன்கூட்டியே பட்டியலிட்டு மழை பொழிவின் போது அவா்களை முன்கூட்டியே நிவாரண முகாம்களுக்கு அழைத்து வந்து தங்க வைக்க தயாா் நிலையில் இருக்க வேண்டும்.

அனைத்து சுகாதார நிலையங்களிலும் அவசரத் தேவைக்கான மற்றும் உயிா் காக்கும் மருந்துகள், கால் நடைகளின் தேவைகளுக்கான மருந்துகள், பெட்ரோல், டீசல் ஆகியவற்றை முன்கூட்டியே கொள்முதல் செய்தும் வைத்துக் கொள்ள வேண்டும்.

வடகிழக்குப் பருவமழையினை எதிா்கொள்ள அனைத்து தரப்பினரும், மாவட்ட நிா்வாகமும் முழு ஒத்துழைப்பு நல்கிடுமாறும் ஆட்சியா் மா.ஆா்த்தி பேசினாா்.