போதைப் பொருள் கஞ்சா கடத்திய வழக்கில் கைது செய்யப்பட்ட பெண்ணுக்கு 10 ஆண்டுகள் சிறை தண்டனை விதித்து சென்னை சிறப்பு நீதிமன்றம் தீா்ப்பளித்தது.

தஞ்சாவூா் மாவட்டம், காலியக்குழக்கரை பகுதி மாரியம்மன் கோயில் தெருவைச் சோ்ந்தவா் கண்ணுச்சாமியின் மனைவி சரோஜா (45). இவா் திருவள்ளூா் மாவட்டம் ஈவலூா் சோதனைச் சாவடியில் போலீஸாா் வாகன சோதனையில் ஈடுபட்டிருந்தபோது, 22 கிலோ கஞ்சா கடத்தியதாக கடந்த 2018-ஆம் ஆண்டு காஞ்சிபுரம் போதைப் பொருள் தடுப்புப் பிரிவு காவல் துறையினா் கைது செய்யப்பட்டாா்.

இந்த வழக்கு சென்னையில் உள்ள சிறப்பு நீதிமன்றத்தில் நடந்து வந்தது. வழக்கை விசாரித்த நீதிபதி தேன்மொழி, குற்றஞ்சாட்டப்பட்ட சரோஜாவுக்கு 10 ஆண்டு சிறை தண்டனையும், ரூ. 1 லட்சம் அபராதமும் விதித்து வெள்ளிக்கிழமை தீா்ப்பளித்தாா்.