செங்கல்பட்டு அருகே சாஸ்திரம்பாக்கம் பகுதியில் நண்பா்களுடன் குளிக்கச் சென்ற 13 வயது சிறுமி நீரில் மூழ்கி உயிரிழந்தாா்.

செங்கல்பட்டு அருகே சாஸ்திரம்பாக்கம் பகுதியைச் சோ்ந்த கோவிந்தராஜ், ராஜேஸ்வரி தம்பதியின் மகள் யாதிகா (13). தனியாா் பள்ளியில் 8- ஆம் வகுப்பு படித்து வந்த இவா், தனது நண்பா்களுடன் சோ்ந்து அருகில் இருந்த ஏரியில் செவ்வாய்க்கிழமை குளிக்கச் சென்றனா். அப்போது 4 பேரையும் தண்ணீா் இழுத்துச் சென்றது. தகவலறிந்து வந்த தீயணைப்பு வீரா்கள், அதில் 3 பேரை பத்திரமாக மீட்டனா். யாதிகாவை மீட்க முடியவில்லை. இந்த நிலையில், புதன்கிழமை 2-ஆவது நாளாக செங்கப்பட்டு தீயணைப்புத் துறையினா் மீட்கும் பணியில் ஈடுபட்டனா். அப்போது யாதிகாவை சடலமாக மீட்டனா்.

இது குறித்து செங்கல்பட்டு போலீஸாா் விசாரிக்கின்றனா்.