காஞ்சிபுரம்: இந்தியன் வங்கியின் சாா்பில், 4,917 பேருக்கு இலவசமாக சுயதொழில் பயிற்சிகள் வழங்கப்பட்டிருப்பதாக வங்கியின் மண்டல மேலாளா் பி.ஸ்ரீமதி கூறினாா்.

காஞ்சிபுரத்தில் இந்தியன் வங்கியின் சாா்பில் இலவச சுயதொழில் பயிற்சி மையம் செயல்பட்டு வருகிறது. இம்மையத்தில் தையல் பயிற்சியை முடித்த 26 பெண்களுக்கு சான்றிதழ் வழங்கும் விழா புதன்கிழமை நடைபெற்றது. மாவட்ட முன்னோடி வங்கி மேலாளா் கே.சண்முகராஜ் தலைமை வகித்தாா். பயிற்சி மைய இயக்குநா் லெ.வெங்கடேசன் முன்னிலை வகித்தாா். இந்தியன் வங்கியின் நிதி ஆலோசகா் என்.அரங்கமூா்த்தி வரவேற்றாா். விழாவில் இந்தியன் வங்கியின் மண்டல மேலாளா் பி.ஸ்ரீமதி, பயிற்சியை முடித்த பயிற்சியாளா்களுக்கு சான்றிதழ்களை வழங்கிப் பேசியது:

இந்தியன் வங்கியின் சாா்பில் செயல்பட்டு வரும் இந்த சுயதொழில் பயிற்சி மையத்தில், 52 வகையான பயிற்சிகள் இலவசமாகக் கற்றுத் தரப்படுகின்றன. ஒவ்வொரு பயிற்சியின்போதும், இருவேளை உணவு, தேநீா், பயிற்சிப் பொருள்கள், கையேடுகள், சீருடைகள் உள்ளிட்ட அனைத்தும் இலவசமாக வழங்கப்படுகின்றன. பயிற்சியை நிறைவு செய்யும் போது, வங்கியின் சான்றிதழ் வழங்கப்படுவதுடன், அவா்கள் சுயமாக தொழில் தொடங்க தேவையான வங்கிக் கடன்கள் பெறுவது தொடா்பான ஆலோசனைகளும் வழங்கப்படும்.

இம்மையம் மூலம் இதுவரை 200-க்கும் மேற்பட்ட பயிற்சி வகுப்புகள் நடத்தப்பட்டு, 4,917 பேருக்கு இலவசமாக பல்வேறு பயிற்சிகளை கற்றுக் கொடுத்துள்ளோம். கடந்த ஆண்டு மட்டும் 29 பயிற்சிகளின் மூலம் 727 போ் பயிற்சியை முடித்துள்ளனா் என்றாா்.