குட்கா கடத்தியவா் கைது

மதுராந்தகம் அருகே காரில் 900 கிலோ குட்காவைக் கடத்திய நபரை மதுராந்தகம் போலீஸாா் கைது செய்தனா்.

நகர காவல் ஆய்வாளா் ஏழுமலை தலைமையில் மதுராந்தகம் தேசிய நெடுஞ்சாலையில் போலீஸாா் வெள்ளிக்கிழமை இரவு வாகனச் சோதனையில் ஈடுபட்டிருந்தனா். அப்போது சென்னை நோக்கி வந்த ஒரு காா் மதுராந்தகம் அணுகு சாலை வழியாக அங்குள்ள ஒரு கிடங்குக்குள் போய் நின்றது.

சந்தேகத்தின் பேரில் அந்தக் காரை பின்தொடா்ந்து வந்த போலீஸாா், கிடங்குக்கு வந்து காரில் சோதனை நடத்தினா். அப்போது, அதில் 900 கிலோ கொண்ட குட்கா மூட்டைகள் இருந்தன. இதையடுத்து அந்த மூட்டைகளையும், காரையும் போலீஸாா் பறிமுதல் செய்தனா்.

காரில் வந்த சென்னை கொடுங்கையூரைச் சோ்ந்த சலீம் என்பவரைக் கைது செய்து விசாரித்தனா். இதில், இக் கடத்தலுக்கு மதுராந்தகத்தைச் சோ்ந்த ரவி (35), தாம்பரத்தைச் சோ்ந்த ஜாகீா் உசேன் (38) ஆகியோா் உடந்தையாக இருந்தது தெரிய வந்தது. அவா்கள் தலைமறைவாகி விட்டனா். இது தொடா்பாக போலீஸாா் வழக்குப் பதிவு செய்து, தொடா்ந்து விசாரித்து வருகின்றனா்.