வியாழக்கிழமை 19 செப்டம்பர் 2019

600 கிலோ ரேஷன் அரிசி, சமையல் எரிவாயு உருளை பறிமுதல்

DIN | Published: 11th September 2019 04:27 AM


காஞ்சிபுரத்தில் செவ்வாய்க்கிழமை இரு இடங்களில் கேட்பாரற்றுக் கிடந்த தலா 300 கிலோ ரேஷன் அரிசி மூடைகளை அதிகாரிகள் பறிமுதல் செய்தனர்.
மாவட்ட ஆட்சியர் பா.பொன்னையா, மாவட்ட வழங்கல் அலுவலர் கஸ்தூரி ஆகியோரின் உத்தரவின் பேரில் தனி வட்டாட்சியர் பிரியா தலைமையில் அதிகாரிகள் நகரில் உள்ள தேநீர்க் கடைகள், உணவகங்கள் ஆகியவற்றில் சோதனை நடத்தினர். காஞ்சிபுரம் நரசிங்கராயர் தெருவில் வீட்டு உபயோக சமையல் எரிவாயு உருளைகளைக் கடைகளில் பயன்படுத்துவது தெரியவந்தது. இதையடுத்து 2 உருளைகளை அதிகாரிகள் பறிமுதல் செய்து, கடைக்காரர்களுக்கு எச்சரிக்கை விடுத்தனர்.
காஞ்சிபுரம் கைலாசநாதர் கோயில் தெரு, சந்தவெளியம்மன் கோயில் தெரு ஆகிய இடங்களில் கேட்பாரற்றுக் கிடந்த தலா 300 கிலோ ரேஷன் அரிசியை பறிமுதல் செய்து, காஞ்சிபுரம் நுகர்பொருள் வாணிபக் கழகக் கிடங்கில் ஒப்படைத்தனர்.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

சாலை விபத்தில் கணவன், மனைவி பலி
செப்டம்பர் 19 மின்தடை பகுதிகள்
தமிழகத்தில் 5 மாவட்டங்களில் மாணவர் காவல்படை தொடங்கப்படும்: டிஐஜி எம்.சத்யப்பிரியா
பெரியார் பிறந்த நாள்: அரசியல் கட்சியினர் மரியாதை
பிரதமர் மோடி பிறந்த நாள்: காமாட்சி அம்மன் கோயிலில் சிறப்பு வழிபாடு