21 ஜூலை 2019

அத்திவரதர் பெருவிழா: குடியரசுத் தலைவர் இன்று வருகை

DIN | Published: 12th July 2019 04:24 AM

அத்திவரதரை தரிசிக்க குடியரசுத்தலைவர் ராம்நாத் கோவிந்த் வெள்ளிக்கிழமை வருவதையொட்டி, பாதுகாப்பு ஏற்பாடுகள் தீவிரப்படுத்தப்பட்டுள்ளன. 
அத்திவரதரை தரிசிக்க வெள்ளிக்கிழமை (ஜூலை 121) வழக்கம் போல் காலை 5 மணிக்கு கிழக்கு கோபுரம் வழியாக பக்தர்கள் அனுமதிக்கப்படுவர். இதையடுத்து, நண்பகல் 12.30 மணியளவில் கிழக்கு கோபுரம் வழியாக பொதுதரிசனம், முக்கியஸ்தர்கள் தரிசனம் நிறுத்தப்படும். 
இதையடுத்து, பாதுகாப்புப் பணிகள் தீவிரப்படுத்தப்பட்டு, பிற்பகல் 2.30 மணியளவில் பச்சையப்பன் ஆடவர் கல்லூரி வளாகத்தில் அமைக்கப்பட்டுள்ள ஹெலிகாப்டர் இறங்கு தளத்தில் குடியரசுத் தலைவர் வருகை புரியவுள்ளார். தொடர்ந்து, 3 மணியிலிருந்து 4 மணிக்குள் அவர் அத்திவரதரை தரிசனம் செய்த பிறகு புறப்பட்டுச் செல்கிறார். 
குடியரசுத்தலைவர் புறப்பட்ட பிறகு வழக்கம் போல் மாலை 4.30 மணியிலிருந்து பொதுமக்கள் அத்திவரதரை தரிசனம் செய்யலாம். 
மூன்று அடுக்கு பாதுகாப்புக்காக சுழற்சி முறையில் பணியில் ஈடுபட்டுள்ள சுமார் 2,000 போலீஸாரும் குடியரசுத் தலைவர் தரிசனம் செய்யும் நேரத்தில் பணியில் அமர்த்தப்படவுள்ளனர் என மாவட்ட நிர்வாகம் சார்பில் தெரிவிக்கப்பட்டுள்ளது. 
குடியரசுத்தலைவர் வருகையையொட்டி டிஜிபி திரிபாதி, வடக்கு மண்டல ஐஜி நாகராஜன், டிஐஜி தேன்மொழி, ஆட்சியர் பா.பொன்னையா, எஸ்.பி.கண்ணன் உள்ளிட்டோர் வரதர் கோயிலில் முன்னேற்பாட்டுப் பணிகள் குறித்து ஆய்வு செய்தனர்.

 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

ஆண்டாள் கிளியுடன் நீலப் பட்டாடையில் காட்சியளித்த அத்திவரதர்: ரூ.300 கட்டணத்தில் விரைவு தரிசனம் அறிமுகம்
மேல்மருவத்தூர் கோயில்களில் ஆடித் திருவிழா
எடையார்பாக்கம் ஏரியில் குடிமராமத்துப் பணி : ஆட்சியர் ஆய்வு
கோயில் குளம் அருகே ஆக்கிரமிப்புகளை அகற்றக் கோரிக்கை
வருமானவரி செலுத்துவது குறித்த விழிப்புணர்வுக் கூட்டம்