காஞ்சிபுரம்

மடிக் கணினி வழங்காததால் மாணவிகள் போராட்டம்

2nd Jul 2019 04:16 AM

ADVERTISEMENT

மதுராந்தகம் சௌபாக்மல் சௌகார் அரசு மகளிர் மேல்நிலைப்பள்ளியில் பிளஸ் 2 படித்து முடித்த மாணவியருக்கு மடிக் கணினி வழங்காத தலைமை ஆசிரியையைக் கண்டித்து மாணவியர்திங்கள்கிழமை சாலை மறியல் போராட்டத்தில் ஈடுபட்டனர். 
இப்பள்ளியில் சுமார் 3ஆயிரத்துக்கும் மேற்பட்ட மாணவியர் படித்து வருகின்றனர். இங்கு கடந்த 2017-18 -ஆம் ஆண்டில் பிளஸ் 2 படித்து முடித்த மாணவியருக்கு இதுவரை மடிக் கணினி வழங்கப்படவில்லை என்று கூறப்படுகிறது. 
இந்த நிலையில், 2019-20 -ஆம் நிதியாண்டில் பிளஸ் 2 படிக்கும் மாணவியருக்கு மட்டும் தற்சமயம் மடிக் கணினி
வழங்க, தலைமை ஆசிரியை விஜயகுமாரி ஏற்பாடு செய்து வந்தாராம். தகவல் அறிந்த முன்னாள் மாணவியர் இதுகுறித்து பள்ளி நிர்வாகத்திடம் கேட்டபோது, தகாத வார்த்தைகளை கூறினார்களாம்.  இதனால் ஆத்திரமடைந்த 20-க்கும் மேற்பட்ட முன்னாள் மாணவியர் மதுராந்தகம் பேருந்துநிலையம் அருகில் அரசுப் பேருந்தை சிறை பிடித்து சாலை மறியலில் ஈடுபட்டனர். 
 தகவலறிந்து வந்த மதுராந்தகம் போலீஸார் மாணவியரிடம் பேச்சு வார்த்தை நடத்தி, பின்னர் அவர்களை பள்ளி தலைமை ஆசிரியையிடம் அழைத்துச் சென்று சமாதானப்படுத்தினர்.
 

ADVERTISEMENT
ADVERTISEMENT