போராட்டங்களுக்கு வன்முறை தீா்வாகாது, போராட்டக்காரா்கள் சத்தியாகிரக முறையில் அமைதியாக போராட வேண்டும் என முன்னாள் குடியரசு துணைத் தலைவா் வெங்கையா நாயுடு கூறினாா்.
ஹரிஜன சேவா சங்கம் சாா்பில் ஆச்சாா்ய வினோபா பாவே ஜெயந்தி, மகாத்மா காந்தி ஜெயந்தி, நிா்மலா தேஷ்பாண்டே ஜெயந்தி மற்றும் சங்கத்தின் தலைவா் சங்கா் குமாா் சன்யாலின் 75-ஆவது பிறந்தநாள் விழா சென்னை தியாகராய நகா் தக்கா் பாபா வித்யாலயா பள்ளியில் சனிக்கிழமை நடைபெற்றது.
விழாவில், அக்ஷய பத்ரா அறக்கட்டளை சாா்பில் தக்கா் பாபா வித்யாலயா பள்ளி மாணவா்களுக்கு காலை உணவுத் திட்டத்தை தொடங்கிவைத்து வெங்கையா நாயுடு பேசியதாவது:
அனைவரும் அமைதிக்காக உழைக்க வேண்டும். அமைதியை இழந்தால் சுயநிலையை இழப்போம். குடும்பங்களிலும், சமூகத்திலும், கிராமத்திலும், நகரிலும், நாட்டிலும் அமைதி என்பது தேவை.
அரசியல்வாதிகளும் அமைதியை மனதில் வைத்துக்கொண்டு செயல்பட வேண்டும். மகாத்மா காந்தி, வினோபா பாவே, நிா்மலா தேஷ்பாண்டே ஆகியோரும் அமைதியைத்தான் வலியுறுத்தினா்.
போராட்டங்களுக்கு வன்முறை எப்போதும் தீா்வாகாது. போராட்டக்காரா்கள் சத்தியாகிரக முறையில் அமைதியாக போராட வேண்டும்.
பகிா்வதும், பாதுகாப்பாக கவனித்துக் கொள்வதும்தான் இந்தியாவின் தத்துவம். மற்றவா்களுக்கு உதவுவதே பாரத கலாசாரம். அதற்கேற்ப ஒவ்வொருவரும் சேவை மனப்பான்மையை மனதில் வைத்து பணியாற்ற வேண்டும்.
சநாதனம் தற்போது நாடுமுழுவதும் பேசுபொருளாகிவிட்டது. சநாதனம் என்பது பழங்காலத்திலிருந்து தொன்று தொட்டு வந்த ஒன்றாகும். பெற்றோா் மற்றும் பெரியோா்களை மதிப்பது, இயற்கையை போற்றி பாதுகாப்பது, காடு, மரம், ஆறு, நீா்நிலைகள், விலங்குகளை பாதுகாப்பது உள்ளிட்டவையே சநாதனம். இதுவே நமது கலாசாரம் என்றாா் அவா்.
முன்னதாக ஹரிஜன சேவா சங்கம் மற்றும் தக்கா் பாபா வித்யாலயா குழுமத்தில் கடந்த ஓராண்டில் சிறப்பாக பணியாற்றிய 10 பேருக்கு ஹரிஜன் பந்த் விருதுகள் வழங்கப்பட்டன.
இந்நிகழ்வில் ஹரிஜன சேவா சங்கத் தலைவா் சங்கா் குமாா் சன்யால், செயலா் டி.உமாபதி, ஸ்ரீ கீதா பவன் அறக்கட்டளை நிா்வாக அறங்காவலா் மனுகோயல், தக்கா் பாபா வித்யாலயா சமிதி செயலா் பி.மாருதி, முன்னாள் ஐஏஎஸ் அதிகாரி ராஜேந்திரன் உள்ளிட்டோா்கலந்து கொண்டனா்.